Semeı qalasyndaǵy fızıka-matematıka baǵytyndaǵy Nazarbaev zııatkerlik mektebiniń oqýshylary toǵyzqumalaqtan júldegerler qatarynan kórindi.
Osymen 5- shi márte uıymdastyrylǵan onlaın jelilik spartakıada PlayOk platformasynda ótti. Jas erekshelikterine baılanysty tómengi, orta jáne joǵary toptarǵa bólingen sportshylar 3 kún boıy shyn myqtyny anyqtaý úshin synǵa tústi.
«Dástúrli jarysqa jyldaǵydaı jaqsy daıyndyqpen bardyq. Mektep oqýshylary arasynan myqtylar iriktelip, komanda jasaqtaldy. Komandaǵa tańdap alǵan shákirtterimizdiń árqaısysy tól oıyndy jaqsy meńgergen. Tipten túrli deńgeıdegi jetistikterge de jetken. Senim aqtalyp, orta jáne joǵary topta jaqsy nátıjege qol jetkize aldyq», dedi komandanyń jetekshisi ári dene shynyqtyqtyrý pániniń muǵalimi Raýan Táttibekuly.
Spartakıada qorytyndysy boıynsha 8-synyp oqýshylary Erkebulan Dosan men Malıka Ásemhanova orta topta I orynǵa ıe bolyp qana qoımaı komandalyq esepte de aldyńǵy orynǵa shyqty. Al 11-synyp oqýshysy Aıym Ákimbergenova joǵary topta III orynǵa taban tiredi.
Abaı oblysy