Halyqtyq koalısııaǵa taǵy 15 uıym qosyldy

Qasym-Jomart Toqaevty qoldaý jónindegi Halyqtyq koalı­sııaǵa taǵy 15 qoǵamdyq uıym qosyldy. Olardyń qatarynda Kásip­odaqtar federasııasy, Qazaq­stan Jazýshylar odaǵy, «SERPIN» Ulttyq bilim jáne ınnovasııalar palatasy, «Bolashaq» qaýymdastyǵy, Qazaqstannyń ekolo­gııalyq uıymdarynyń qaýym­dastyǵy, Qazaqstannyń múgedek­ter uıymdarynyń odaǵy, «Adam quqyqtary hartııa­sy» qo­ǵamdyq qory, Sıfrlyq trans­­for­masııa qaýymdastyǵy, Res­pýbl­ıkalyq áıelderdiń keńesi, Qazaq­stan Fýtbol federasııasy, «Áke­ler Odaǵy», «Assambleıa jas­tary», «Halyqaralyq qu­qyq qorǵaý ortalyǵy», Taý-ken óndirý jáne taý-ken metallýrgııa kásiporyndarynyń respýblıkalyq qaýymdastyǵy, Qazaqstannyń «OSHAQ» Jergi­likti qoǵamdastyqtarynyń Halyq Kongresi bar.

«SERPIN» Ulttyq bilim jáne ınnovasııalar palatasynyń tóraǵasy Murat Ábenovtiń aıtýynsha, qoǵamdyq kúshter koalısııaǵa birikkenniń ózi saılaýdyń jańa formatta ótetinin aıǵaqtaıdy. «Bolashaq» qaýymdastyǵynyń at­qarýshy dırektory Álisher Dún­genın: «Biz ishki jáne syrtqy saıa­sa­tymyzdyń turaqtylyǵy men sabaq­tastyǵyn kórsetýimiz kerek», dedi.

«Men 30 jyldan astam ýaqyttan beri adam quqyqtaryn qorǵaýmen aınalysyp kelemin. Biz kópshilikke adam quqyqtaryn qorǵaý boıynsha júrgizilip jatqan jumystyń mańyzdylyǵyn birlesip túsindirý úshin koalısııaǵa qosylamyz», dedi «Adam quqyqtary hartııasy» qoǵamdyq qorynyń basshysy Jemis Turmaǵambetova.

Sıfrlyq transformasııa qaýymdastyǵynyń ókili Sergeı Ostapıýktiń pikirinshe, búginde Qazaqstanda IT naryq qarqyndy damyp keledi. «Osyny eskere otyryp, bizdiń qaýymdastyq búgin Halyqtyq koalısııaǵa kiredi», dedi ol.

Jıynda óńirlerde úgit-nasıhat is-sharalaryn ótkizý, kandıdattyń baıqaýshylary men senimdi tulǵalaryn oqytý, saılaý naýqanynyń quqyqtyq aspektileri jáne t.b. máseleler talqylandy. Otyrys barysynda qatysýshylar úgit-nasıhat naýqanyn júrgizý úshin kandıdattyń saılaý qoryna qarajat jınaýǵa qatysty málim­deme jasady. Halyqtyq koalısııa músheleri saılaý qoryna qarjylaı qoldaýdy kandıdattyń jaqtaýshylary tek erikti túrde jasaıtynyn alǵa tartty. Osyǵan baılanysty májbúrlep aqsha aýdartý týraly taraǵan aqparat arandatý bolyp tabylady. Halyqtyq koalısııa mundaı áreketterdi qatań aıyptaıdy jáne tıisti ótinishpen quqyq qorǵaý organdaryna júginedi.