Jyl basynan beri oblysqa saparlaǵan týrıster sany byltyrǵy osy kezeńmen salystyrǵanda 20 paıyzǵa kóbeıgen. Olar negizinen tartylǵan teńiz tabanynda serýendeýge, Qambashtyń emdik sýlaryna, Kókaral men Barsakelmes qoryǵyna qyzyǵýshylyq tanytyp otyr. Kelýshiler arasynda óńirdegi ejelgi qalashyqtardy aralap, tarıhyn tanı túskisi keletinder de kóp.
Aral aýdanyndaǵy ónerkásiptik nysandar da týrıster nazaryn aýdaryp otyr. Olarǵa yńǵaıly bolýy úshin Qambash kóline kirme joldar jóndelip, 100 oryndyq avtoturaq salyndy. Aýdanda jol talǵamaıtyn kóliktermen safarı jasaý, túıelermen serýendeý baǵytyndaǵy ekojobalar ázirlenip jatyr.
– Jaqyn jáne alys shetelderden kelgender arasynda bizdegi 9 balyq óńdeý zaýytynyń jumysyna qyzyǵýshylar bar, – deıdi Aral aýdandyq kásipkerlik, ónerkásip jáne týrızm bóliminiń mamany Danııar Qarjaýbaev. – Sondaı-aq sýy móldir Kambash kóline baratyndar kóp. Kól qazir Qazaqstandaǵy 50 úzdik týrıstik nysan qataryna endi. Jyl saıyn osy demalys aýmaǵyna 100 myńǵa jýyq týrıst keledi.
О́ńirde medısınalyq jáne ekotýrızmdi damytýǵa den qoıylyp otyr. Jyl basynan beri Syrǵa kelgen 50 myńnan astam adamnyń 20 myńy medısınalyq mekemelerdi, qalǵandary ekologııalyq jáne ǵaryshtyq ekskýrsııalardy tańdaǵan. Biraq osy suranysqa ıe bolyp otyrǵan sońǵy baǵytty tolyq júzege asyrý úshin birqatar másele sheshimin tabýǵa tıis.
– Sheteldik týrısterdiń Baıqońyrǵa kelýine ruqsat beretin qujattardy tekserýge 55 kún ketedi, – deıdi oblystyq kásipkerlik jáne ónerkásip basqarmasynyń bólim basshysy Muhtar Jetilgenov. – Qazir reseılik áriptestermen osy merzimdi 15-20 kúnge deıin qysqartýdy pysyqtap jatyrmyz. Qazaqstandyq týrfırmalar úshin ǵarysh aılaǵyna kirý múmkindigi shekteýli ekendigi de kóp jumysqa kedergi bolyp otyr. Bul másele eki el Úkimeti deńgeıinde qaralatyn bolady.
Qyzylorda oblysy