Túrkistan oblysyna jumys sapary barysynda QR Premer-Mınıstri Álıhan Smaıylov «Kerýen-saraı» keshenine baryp, ınvestorlarmen jáne óńirde jumys istep jatqan týrıstik sala ókilderimen kezdesti, dep habarlaıdy Egemen.kz Úkimettiń baspasóz qyzmetine silteme jasap.
Premer-Mınıstrge gaz jáne kún elektr stansııalarynyń qurylysy, kómir-hımııa, munaı-hımııa jáne kúkirt qyshqyly zaýyttaryn, kaýstıkalyq soda, PVH, kalsıı karbıdi men sement óndiretin hımııa keshenin, О́gem ózenindegi GES kaskady bar sý qubyryn, jylyjaı keshenin, bordaqylaý alańyn salý boıynsha jáne t. b. jańa ınvestısııalyq jobalar tanystyryldy.
«Bulardyń barlyǵy da oblys úshin áleýmettik jáne ekonomıkalyq mańyzy joǵary jobalar. Olar turaqty jumys oryndaryn qurýǵa múmkindik beredi jáne ónerkásip ónimderiniń kólemin edáýir arttyrady. Oblys ákimdigi jobalardyń ýaqytyly iske asyrylýyn erekshe baqylaýǵa alyp, qajetti ınfraqurylymmen qamtamasyz etýi tıis», dedi Álıhan Smaıylov.
Onyń aıtýynsha, jańa elektr stansııalaryn iske qosý ońtústik óńirdegi energııa tapshylyǵyn azaıtýǵa múmkindik beredi, al jańa agrarlyq nysandar eldiń azyq-túlik qaýipsizdigin qamtamasyz etý týraly Prezıdent tapsyrmalaryn júzege asyrýǵa yqpal etetin bolady.
О́z kezeginde ınvestorlar jobalarmen jumys isteý kezinde týyndaǵan birqatar problemalyq máselelerdi kóterdi. Álıhan Smaıylov memlekettik organdarǵa olardy muqııat qarap, zańnama sheńberinde járdem kórsetýdi tapsyrdy.
Sonymen qatar Premer-Mınıstrge óńirdiń negizgi baǵyttary tarıhı-tanymdyq, qajylyq, emdik-saýyqtyrý, eko jáne etnotýrızm bolyp tabylatyn týrıstik salasynyń damý qarqyny týraly baıandaldy. Atap aıtqanda, Álıhan Smaıylovqa «Qasqasý» týrıstik-rekreasııalyq kesheniniń jobasy tanystyryldy, onda kúnine 4 myńǵa jýyq adam demalatyn bolady.
«Jyl boıyna sapaly qyzmet kórsetetin týrızm nysandarynyń ekonomıkalyq tıimdiligi qashanda joǵary bolmaq. Menińshe, Túrkistan oblysynyń osy baǵytta áleýeti zor», dedi Álıhan Smaıylov.
Sondaı-aq ol týrıstermen jumys isteý úshin bilikti kadrlardy daıarlaý sapasyna da nazar aýdarý kerektigin atap kórsetti.
Premer-Mınıstr jumys sapary aıasynda Qoja Ahmet Iаsaýı kesenesine baryp, «Áziret Sultan» memlekettik tarıhı-mádenı mýzeı-qoryǵyn abattandyrý jumystarynyń barysymen tanysty.