«Mirdiń oǵy» márege jetti

«Mirdiń oǵy» alǵash ret 2019 jyly Arqalyq qalasynda tusaýyn kesken. Búginde aýqy­my keńeıip, fes­tıvalǵa qaty­sý­shylardyń sany da edáýir kó­­beıgen. Tobyl tórinde eki kúnge jalǵasqan satıra fes­tıvalinde Aqtóbe, Atyraý, Ba­tys Qazaq­stan, Jam­byl, Túr­kistan, Qos­tanaı oblys­tary­nyń ázil syqaq teatrlary óner­ kórsetti.

Baıqaýǵa belgili satırık, ha­lyq­aralyq «Alash» syı­ly­ǵy­nyń laýreaty Kópen Ámir­bek, Qazaqstan­nyń mádenıet qaıratkeri Asylbek Boranbaı, jazýshy-satırık, «Eki ezý» teatry­­nyń kórkemdik jetekshisi Nur­lybek Jubatqan syndy maı­tal­man ónerpazdar qazylyq etti.

Syqaq teatry baıqaýynyń ashylý rásiminde quttyqtaý sóz alǵan oblys­tyq mádenıet basqarmasynyń basshysy Er­lan Qalmaqov jylma-jyl fes­tıvaldiń aýqymy keńeıip, formaty túrlenip kele jatqanyn tilge tıek etti.

– Seıit aǵamyzdyń bizge qaldyr­ǵan murasy óte kóp. О́ner festıvalin qalamgerdiń satıra janrynda qaldy­ryp ketken muralaryn dáripteý maq­satynda uıymdastyryp otyrmyz. Sondyqtan úsh jyldan beri qolymyzdan kelgenshe osyndaı festıval uıym­dastyryp jatyrmyz. Jyl ótken saıyn onyń aýqy­myn da keńeıte bermekpiz. Búgingi festıvalge elimizdiń ár óńirinen ónerpazdar kelip jatyr. Olar qazirgi qoǵamdaǵy keleńsiz jaǵdaılardy kúlki ar­qyly ájýalap, astarly oı aıtyp, jaqsy óner kórsetedi dep senemin, – dedi oblystyq máde­nıet basqarmasynyń basshysy Erlan Qalmaqov.

Baıqaýdyń alǵashqy kúni teatr ujymdary Seıit Ken­je­ah­metulynyń «Myń muń», «Ár dáýir­diń áńgi­mesi», «Cher­ny­shev­skıı», «Aıtyl­maıtyn áńgime», «Degen eken», «Toı», «Aı­sa­men áńgime», «Keshirilmeıtin kúná», «Áke tárbıesi», «Shyndyq qalaı shyq­­ty?» sııaqty týyndylaryn sah­naǵa alyp shyqty.

Baıqaý barysynda satıra sardary Seıit Kenjeahmetov týraly jyly estelikter aqtarylyp, sharany uıym­dastyrǵan oblystyq mádenıet basqarmasynyń tarapyna da alǵys-rızashylyq sózder aıtyldy.

– Búgingi kesh óte joǵary deńgeıde ótti. Baıqaýdy uıym­dastyrǵan oblys ákimdiginiń má­de­nıet basqar­masyna ádil­qazy-l­ardyń, qatysý­shylardyń jáne urpaqtary atynan shyn rıza­shylyǵymyzdy bil­diremiz. Bul festıval jyl saıyn ótýge tıis dep esepteımin. О́ıtkeni Seıit aǵamyzdyń ózi kezinde qazaq satırasynyń damýyna zor úles qosqan kisi. Ol kisi Ospanhan Áý­bá­kirov, Berqaıyr Amanshın, Shota Smahanuly, Úmbetbaı Ýaıdın sııaqty halqymyzdyń ázil-syqaq soıylyn soqqan tanymal tulǵalarymyzdyń biregeıi. «Tamasha» oıyn-saýyq otaýynda basshylyq qyzmet istep júrgende men bul kisimen kóp aralas­tym. Aǵamyzdyń adamgershiligi, adamı qasıeti, bıik parasatyn úlkenge qurmet, kishige izet kórsete biletin qasıetine tánti bolǵanmyn. Seıit aǵa «Tamashanyń» turaqty avtor­larynyń biri edi. Talaı shyǵarmasyn sahnaladyq. Onyń ólmes murasyn keıingi býyn ókilderi de keńinen nasıhattaı bererine kámil senemin, – dedi «TTT» teatrynyń dırektory Asylbek Boranbaı.

Qazylar alqasynyń ortaq uıǵa­ry­mymen «Mirdiń oǵy» res­pýb­­lıkalyq ázil-syqaq teatr­­­lary ba­qaýynyń bas júl­desine Aqtóbe oblysynan kelgen «Túıreýish» ázil-syqaq teatry laıyq dep tanyldy. Birin­shi oryndy Túrkistan obly­synyń Keles aýdanynan kelgen «Kúlki terapııasy» teatry ıelendi. Júldeli ekinshi oryndy Jańaózen qalasynan kelgen «Bozjyra» teatry­nyń ujymy enshiledi. Al Aty­raý oblysynan kelgen «Ara» ázil-syqaq teatry úshinshi oryndy qa­naǵat tutty.

Bıyl tuńǵysh ret taǵaıyn­dalyp otyrǵan Ǵumar Ahmetchın atyndaǵy arnaıy syılyqqa Jam­­byl oblysy, Talas aýdany­nan kelgen halyq teatrynyń ujy­­­­­­my ıe boldy. Sondaı-aq Altynsarın aýdanynyń ónerpazy Birjan Júzbaıǵa «Kórermen kóz­aıymy» arnaıy júldesi tabys etildi. Festıvalǵa at salysqan óner­pazdardyń eshqaısysy qur qol qaıt­qan joq. Qatysýshylardyń bárine oblys basshylyǵynyń aty­nan alǵys hat, eskertkish syı­lyq jáne 100 myń teńgeden qar­jylaı káde berildi.

Qostanaı oblysy