Jalpyulttyq sosıal-demokratııalyq partııasynyń atynan prezıdenttikke kandıdat Nurlan Áýesbaevtyń saılaýaldy shtaby jumysyn bastady.
Astanada uıymdastyrý komıtetiniń otyrysy ótti. Is-sharaǵa saıası keńes músheleri men belsendiler qatysty.
Otyrysta atap ótilgendeı, saılaýaldy shtab úgit-nasıhat naýqanyn bastaýǵa daıyn. Kandıdattyń saılaýaldy baǵdarlamasy daıyndalyp, taratylatyn materıaldardyń, syrtqy jarnamanyń dızaıny ázirlengen. О́ńirlerdegi ózekti máselelerge qatysty halyqtyń pikirin jınaý boıynsha jumys júrgizilgen.
Saılaýaldy shtabynyń basshysy Ashat Rahymjanov úgit aldyndaǵy jumystyń qorytyndylary týraly habarlady. Onyń aıtýynsha, JSDP kandıdatyn qoldaý maqsatynda elimizdiń barlyq óńirinde 121 myńnan astam qol jınalǵan, onyń 119 myńy esepke alyndy.
JSDP kandıdaty óziniń úgit-nasıhat naýqanyn Qaraǵandy oblysynan bastaıdy. Ol búgin Shahtınsk qalasynda jergilikti saılaýshylarmen kezdesý ótkizbek.
Sondaı-aq otyrys barysynda shtab ókilderi aldaǵy jumys jaıyn talqylap, negizgi maqsattar men mindetterdi belgiledi.