Bul týraly búgin Respýblıka kúnine oraı memlekettik nagradalar men syılyqtar tapsyrýǵa arnalǵan saltanatty sharada Prezıdent Qasym-Jomart Toqaev aıtty, dep habarlaıdy Egemen.kz.
«Qazaqstan halqyn uıystyratyn taǵy bir sımvol – Memlekettik til. Qazaq tili máńgilik memlekettik til tuǵyrynda bolady. Qazaq tiliniń qoldanys aıasyn arttyra berý – memlekettiń mindeti. Bul jumys toqtamaıdy, jalǵasa beredi, dedi Prezıdent.
Sondaı-aq ol jastar kóp til bilgen saıyn básekege qabilettiligi arta túsetinin atap ótti.
«Jastarymyz kóp til bilgen saıyn básekege qabiletti, bilikti maman bolady. Til, ultaralyq qatynas – ishki turaqtylyqqa yqpal etetin ózara tyǵyz ári mańyzdy faktorlar. Sondyqtan, mundaı mańyzdy máselelerden saıası qural jasaýǵa bolmaıdy. Osyndaı qoǵamdyq turǵydan sezimtal máselelerdi saıasılandyrýdyń kesirinen keıbir elder qasiretti jaǵdaıǵa ushyrady. Bul – bizdiń jol emes», dedi Memleket basshysy.