2014 jylǵy 29 sáýir, Astana, Úkimet Úıi
«Azyq-túlik taýarlarynyń óńirlik turaqtandyrý qorlaryn qalyptastyrý jáne paıdalaný qaǵıdalaryn bekitý, Qazaqstan Respýblıkasy Úkimetiniń keıbir sheshimderiniń kúshi joıyldy dep taný jáne «Bıýdjettiń atqarylýy jáne oǵan kassalyq qyzmet kórsetý erejesin bekitý týraly» Qazaqstan Respýblıkasy Úkimetiniń 2009 jylǵy 26 aqpandaǵy № 220 qaýlysyna tolyqtyrý engizý týraly» Qazaqstan Respýblıkasy Úkimetiniń 2012 jylǵy 9 qazandaǵy № 1280 qaýlysyna ózgerister men tolyqtyrý engizý týraly
Qazaqstan Respýblıkasynyń Úkimeti qaýly etedi:
1. «Azyq-túlik taýarlarynyń óńirlik turaqtandyrý qorlaryn qalyptastyrý jáne paıdalaný qaǵıdalaryn bekitý, Qazaqstan Respýblıkasy Úkimetiniń keıbir sheshimderiniń kúshi joıyldy dep taný jáne «Bıýdjettiń atqarylýy jáne oǵan kassalyq qyzmet kórsetý erejesin bekitý týraly» Qazaqstan Respýblıkasy Úkimetiniń 2009 jylǵy 26 aqpandaǵy № 220 qaýlysyna tolyqtyrý engizý týraly» Qazaqstan Respýblıkasy Úkimetiniń 2012 jylǵy 9 qazandaǵy №1280 qaýlysyna (Qazaqstan Respýblıkasynyń PÚAJ-y, 2012 j., № 74, 1075-qujat) mynadaı ózgerister men tolyqtyrý engizilsin:
kórsetilgen qaýlymen bekitilgen Azyq-túlik taýarlarynyń óńirlik turaqtandyrý qorlaryn qalyptastyrý jáne paıdalaný qaǵıdalarynda:
10 jáne 11-tarmaqtar alynyp tastalsyn;
16-tarmaq mynadaı redaksııada jazylsyn:
«16. Komıssııa usynys pen suranystyń óńirlik teńgerimi, jumys organynyń egistik alańdary (josparly), boljamdy ónim túsimi, ótken kúntizbelik jylda qalyptasqan baǵalar týraly málimetteri, mamandandyrylǵan uıymnyń usynysy, sondaı-aq ózge de málimetter negizinde azyq-túlik taýarlarynyń tizbesin, kólemin, olar boıynsha tirkelgen baǵany aıqyndaıdy jáne oblys (respýblıkalyq mańyzy bar qala, astana) ákimine satyp alý ıntervensııalaryn júrgizý týraly usynymdar engizedi.»;
20-tarmaq mynadaı redaksııada jazylsyn:
«20. Oblys (respýblıkalyq mańyzy bar qala, astana) ákiminiń satyp alý ıntervensııalaryn júrgizý týraly sheshimi Komıssııanyń satyp alý ıntervensııalaryn júrgizý týraly usynymy engizilgen sátten bastap eki jumys kúninen keshiktirmeı qabyldanýy tıis.»;
23-tarmaq mynadaı redaksııada jazylsyn:
«23. Komıssııanyń sheshimi boıynsha azyq-túlik taýarlarynyń josparlanǵan kólemin kepildi satyp alý, sondaı-aq azyq-túlik taýarlaryn óndirýmen baılanysty shyǵyndardy aldyn ala qarjylandyrý jolymen otandyq taýar óndirýshilerdi qoldaý maqsatynda mamandandyrylǵan uıymmen azyq-túlik taýarlaryn satyp alýǵa fıýcherstik jáne forvardtyq sharttar jasasýyna jol beriledi. Búl rette osy sharttardyń oryndalýyna jaýapkershilik tıisti sharttar jasasqan mamandandyrylǵan uıymǵa júkteledi.»;
28-tarmaq mynadaı redaksııada jazylsyn:
«28. Jumys organy mamandandyrylǵan uıymmen birlesip, óńirdiń ishki naryǵyna jáne agroónerkásiptik keshen ónimderiniń naryqtaryna turaqty negizde taldaý júrgizedi (óndiris kólemi jáne azyq-túlik taýarlarymen qamtamasyz etilýi, olardyń taýar qozǵalysy, zapastardyń bolýy, baǵa) jáne Komıssııanyń qaraýyna engizedi.»;
30, 31, 32, 33, 34 jáne 35-tarmaqtar mynadaı redaksııada jazylsyn:
«30. Komıssııanyń taýar ıntervensııalaryn júrgizý týraly usynymy hattama túrinde jasalady jáne otyrys ótkizilgen kúni Komıssııa músheleri oǵan qoldaryn qoıady.
31. Komıssııanyń taýar ıntervensııalaryn júrgizý týraly hattamasynda satylýǵa jatatyn azyq-túlik taýarlarynyń tizbesi, olardyń kólemi jáne bólshek jáne kóterme saýdada satý úshin olar boıynsha tirkelgen baǵalar kórsetiledi.
32. Taýar ıntervensııalaryn júrgizý úshin azyq-túlik taýarlarynyń tirkelgen baǵasy mamandandyrylǵan uıymnyń usynystaryn eskere otyryp, naryq baǵasynan tómen deńgeıde belgilenedi.
33. Taýar ıntervensııalaryn júrgizý týraly sheshimdi oblys (respýblıkalyq mańyzy bar qala, astana) ákimi agrarlyq azyq-túlik naryǵyna retteýshilik yqpal etýge qajetti baǵa deńgeıiniń kóterilgendigin anyqtaǵan sátten bastap eki jumys kúninen keshiktirmeı qabyldaıdy.
34. Jumys organy mamandandyrylǵan uıymǵa taýar ıntervensııalaryn júrgizý qajettiligi týraly oblys (respýblıkalyq mańyzy bar qala, astana) ákimi sheshim qabyldaǵan kúni jazbasha túrde habarlaıdy.
35. Mamandandyrylǵan uıym oblys (respýblıkalyq mańyzy bar qala, astana) ákiminiń qabyldaǵan sheshimi týraly jazbasha habarlama alǵan kúnnen bastap, taýar ıntervensııalaryn júrgizýge kirisedi.»;
36-tarmaq alynyp tastalsyn;
41-tarmaq mynadaı redaksııada jazylsyn:
«41. Komıssııanyń turaqtandyrý qoryn jańartý týraly hattamasynda mamandandyrylǵan uıymnyń usynystaryn eskere otyryp, jańartylýǵa jatatyn azyq-túlik taýarlarynyń tizbesi, olardyń kólemi jáne bólshek jáne kóterme saýdada satý úshin olar boıynsha tirkelgen baǵalar kórsetiledi.»;
43. tarmaq mynadaı redaksııada jazylsyn:
«43. Turaqtandyrý qoryn jańartý týraly sheshimdi oblys (respýblıkalyq mańyzy bar qala, astana) ákimi Komıssııa turaqtandyrý qoryn jańartý týraly usynym engizgen sátten bastap eki jumys kúni ishinde qabyldaıdy.»;
44. tarmaq alynyp tastalsyn;
48-tarmaq mynadaı redaksııada jazylsyn:
«48. Turaqtandyrý qorynyń azyq-túlik taýarlaryn taýar ıntervensııalary, azyq-túlik taýarlaryn jańartý úshin satýdy mamandandyrylǵan uıym óziniń ótkizý núkteleri jáne (nemese) kelisilgen saýda ústemesimen satý týraly aldyn ala sharttar jasasqan saýda jelileri jáne (nemese) kóterme bazarlar arqyly, sondaı-aq áleýmettik mańyzy bar azyq-túlik taýarlaryn óndirý úshin qaıta óńdeý kásiporyndaryna satýdy júzege asyrady.
Bul rette qaıta óńdeý kásiporny óndirgen daıyn azyq-túlik taýarynyń baǵasy shekti ruqsat etilgen bólshek saýda baǵasynan aspaýy jáne mamandandyrylǵan uıym qaıta óńdeý kásipornymen jasasqan satý týraly shartta atap ótilýi tıis.»;
kórsetilgen Qaǵıdalarǵa qosymshada:
ataýy mynadaı redaksııada jazylsyn:
«Azyq-túlik taýarlarynyń óńirlik turaqtandyrý qorlaryn qalyptastyrý» bıýdjettik baǵdarlamasynyń sheńberinde «О́zge de qyzmetter men jumystarǵa aqy tóleý» degen 159 erekshelik boıynsha azyq-túlik taýarlarynyń óńirlik turaqtandyrý qorlaryn qalyptastyrý jáne paıdalaný jónindegi qyzmetterdi satyp alý týraly úlgilik shart»;
«Taraptardyń mindetteri» degen 4-bólimniń 2-tarmaǵy:
mynadaı mazmundaǵy 1-1) tarmaqshamen tolyqtyrylsyn:
«1-1) nátıjeleri boıynsha tapsyrys berýshige usynystar beriletin óńirdiń ishki naryǵy men agroónerkásip keshenindegi ónimder naryǵyna (azyq-túlik taýarlarynyń óndiris kólemi jáne qamtamasyz etilýi, olardyń taýarlyq qozǵalysy, zapastardyń bolýy, baǵalar) taldaýdy turaqty negizde júrgizýge;»;
5) tarmaqsha mynadaı redaksııada jazylsyn:
«5) turaqtandyrý qorynyń azyq-túlik taýarlaryn óziniń saýda núkteleri arqyly jáne/nemese kelisilgen saýda ústemesimen satý týraly aldyn ala shart jasasqan saýda jelileri j»ne (nemese) kóterme bazarlar arqyly ótkizýge, sondaı-aq áleýmettik mańyzy bar azyq-túlik taýarlaryn óndirý úshin qaıta óńdeý kásiporyndaryna ótkizýge.
Bul rette qaıta óńdeý kásiporny óndirgen daıyn azyq-túlik taýarynyń baǵasy shekti ruqsat etilgen bólshek saýda baǵasynan aspaýy jáne mamandandyrylǵan uıym qaıta óńdeý kásipornymen jasasqan satý týraly shartta atap ótilýi tıis;»;
kórsetilgen úlgilik shartqa 1,2 jáne 3-qosymshalarda: joǵarǵy oń jaq buryshyndaǵy «149 (basqa da qyzmetter men jumystar)» degen sózder «159 «О́zge de qyzmetter men jumystarǵa aqy tóleý» degen sózdermen aýystyrylsyn.
2. Osy qaýly alǵashqy resmı jarııalanǵan kúninen bastap qoldanysqa engiziledi
Qazaqstan Respýblıkasynyń Premer-Mınıstri K. MÁSIMOV.