Qazaqstan Respýblıkasy kúnin merekeleý aıasynda Addıs-Abebada «Jańa Qazaqstan» taqyrybynda fotokórmeniń tusaýkeseri ótti, dep habarlaıdy Egemen.kz.
Fotoekspozısııa Qazaqstan Prezıdenti Qasym-Jomart Toqaevtyń basshylyǵymen túbegeıli jańa saıası jáne ekonomıkalyq jaǵdaılar qurýmen, syrtqy saıasattyń jandanýymen sıpattalatyn Qazaqstan damýynyń qazirgi kezeńin beıneleıdi.
Tusaýkeserge Efıopııa Syrtqy ister mınıstrliginiń, dıplomatııalyq korpýstyń ókilderi, kórnekti qoǵam qaıratkerleri, Qazaqstannyń Dostar klýbynyń músheleri, Efıopııanyń burynǵy prezıdenti Mýlatý Teshome, Efıopııa SIM Halyqaralyq qatynastar ınstıtýtynyń, dıalog, zertteýler jáne yntymaqtastyq ortalyǵynyń ókilderi, sondaı-aq birqatar efıopııalyq basylymnyń jýrnalısteri qatysty.
Tusaýkeserge qatysýshylarǵa jasaǵan joldaýynda Qazaqstannyń elshisi, Afrıka odaǵy janyndaǵy Turaqty ókili Barlybaı Sadyqov Qazaqstanda bolyp jatqan úlken saıası oqıǵalar týraly aıtyp berdi.
Sondaı-aq elshi qazirgi geosaıası jaǵdaıda ózektiligin dáleldegen elimizdiń kópvektorly, beıbit jáne boljamdy syrtqy saıasatynyń prınsıpterin egjeı-tegjeıli túsindirdi.