2014 jylǵy 29 sáýir, Astana, Úkimet Úıi
«Jańartylatyn energııa kózderiniń paıdalaný obektileri qurylysynyń tehnıkalyq-ekonomıkalyq negizdemeleri men jobalaryn kelisý jáne bekitý erejesin, merzimderin bekitý týraly» Qazaqstan Respýblıkasy Úkimetiniń 2009 jylǵy 25 jeltoqsandaǵy № 2190 qaýlysyna ózgerister engizý týraly
«Jańartylatyn energııa kózderin paıdalanýdy qoldaý týraly» 2009 jylǵy 4 shildedegi Qazaqstan Respýblıkasynyń Zańy 5-babynyń 5) tarmaqshasyna sáıkes Qazaqstan Respýblıkasynyń Úkimeti qaýly etedi:
1.«Jańartylatyn energııa kózderiniń paıdalaný obektileri qurylysynyń tehnıkalyq-ekonomıkalyq negizdemeleri men jobalaryn kelisý jáne bekitý erejesin, merzimderin bekitý týraly» Qazaqstan Respýblıkasy Úkimetiniń 2009 jylǵy 25 jeltoqsandaǵy № 2190 qaýlysyna (Qazaqstan Respýblıkasynyń PÚAJ-y, 2010 j., № 1, 11-qujat) mynadaı ózgerister engizilsin:
taqyryby mynadaı redaksııada jazylsyn:
«Jylýmen jabdyqtaý maqsattary úshin jańartylatyn energııa kózderin paıdalaný obektilerin salýdyń tehnıkalyq-ekonomıkalyq negizdemeleri men jobalaryn kelisý jáne bekitý qaǵıdalaryn, merzimderin bekitý týraly»;
1-tarmaq mynadaı redaksııada jazylsyn:
«1. Qosa berilip otyrǵan Jylýmen jabdyqtaý maqsattary úshin jańartylatyn energııa kózderin paıdalaný obektilerin salýdyń tehnıkalyq- ekonomıkalyq negizdemeleri men jobalaryn kelisý jáne bekitý qaǵıdalary, merzimderi bekitilsin.»;
kórsetilgen qaýlymen bekitilgen Jańartylatyn energııa kózderiniń paıdalaný obektileri qurylysynyń tehnıkalyq-ekonomıkalyq negizdemeleri men jobalaryn kelisý jáne bekitý erejesi, merzimderi osy qaýlyǵa qosymshaǵa sáıkes jańa redaksııada jazylsyn.
Osy qaýly alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi.
Qazaqstan Respýblıkasynyń Premer-Mınıstri K. MÁSIMOV.
Qazaqstan Respýblıkasy Úkimetiniń 2014 jylǵy 29 sáýirdegi № 418 qaýlysyna qosymsha
Qazaqstan Respýblıkasy Úkimetiniń 2009 jylǵy 25 jeltoqsandaǵy № 2190 qaýlysymen bekitilgen
Jylýmen jabdyqtaý maqsattary úshin jańartylatyn energııa kózderin paıdalaný obektilerin salýdyń tehnıkalyq-ekonomıkalyq negizdemeleri men jobalaryn kelisý jáne bekitý qaǵıdalary, merzimderi
1. Jalpy erejeler
1. Osy Jylýmen jabdyqtaý maqsattary úshin jańartylatyn energııa kózderiniń paıdalaný obektilerin salýdyń tehnıkalyq-ekonomıkalyq negizdemeleri men jobalaryn kelisý jáne bekitý qaǵıdalary, merzimderi (budan ári - Qaǵıdalar) «Jańartylatyn energııa kózderin paıdalanýdy qoldaý týraly» 2009 jylǵy 4 shildedegi Qazaqstan Respýblıkasynyń Zańy 5-babynyń 5) tarmaqshasyna jáne Qazaqstan Respýblıkasynyń basqa da normatıvtik quqyqtyq aktilerine sáıkes ázirlendi jáne jylýmen jabdyqtaý maqsattary úshin jańartylatyn energııa kózderin paıdalaný obektilerin salýdyń tehnıkalyq-ekonomıkalyq negizdemeleri men jobalaryn kelisý jáne bekitý tártibin, merzimderin belgileıdi.
2. Osy Qaǵıdalarda mynadaı uǵymdar paıdalanylady:
1) jańartylatyn energııa kózderin paıdalaný obektisi - jańartylatyn energııa kózderin paıdalana otyryp, elektr jáne (nemese) jylý energııasyn óndirýge arnalǵan tehnıkalyq qurylǵylar jáne jańartylatyn energııa kózderin paıdalaný obektisin ıgerý úshin tehnologııalyq turǵydan qajetti jáne jańartylatyn energııa kózderin paıdalaný obektisi menshik ıesiniń teńgerimindegi, olarmen ózara baılanysty qurylystar men ınfraqurylym;
2) tapsyrys berýshi (ınvestor) - jylýmen jabdyqtaý maqsattary úshin jańartylatyn energııa kózderin paıdalaný obektisin salýdy júzege asyrý nıeti bar jeke nemese zańdy tulǵa;
3) jobalardyń memlekettik saraptamasy (búdan ári - memsaraptama) - Qazaqstan Respýblıkasy Úkimetiniń sheshimi boıynsha qurylǵan sharýashylyq júrgizý quqyǵyndaǵy respýblıkalyq memlekettik kásiporyn júzege asyratyn salý jobalaryn (jobalaý aldyndaǵy nemese jobalaý-smetalyq qujattamasyn) mindetti túrde keshendi baǵalaý;
4) jylý jelisi - jylý energııasyn berýge, taratýǵa arnalǵan qurylǵylar jıyntyǵy.
3. Osy Qaǵıdalardyń áreketi respýblıkalyq nemese jergilikti bıýdjetterden qarjylandyrylatyn jylýmen jabdyqtaý maqsattary úshin jańartylatyn energııa kózderin paıdalaný obektilerin salý jobalaryna qoldanylmaıdy.
2. Jylýmen jabdyqtaý maqsattary úshin jańartylatyn energııa kózderin paıdalaný obektilerin salýdyń tehnıkalyq-ekonomıkalyq negizdemelerin kelisý jáne bekitý tártibi, merzimderi
4. Tapsyrys berýshi (ınvestor) jylýmen jabdyqtaý maqsattary úshin jańartylatyn energııa kózderin paıdalaný obektisin salýdyń tehnıkalyq- ekonomıkalyq negizdemesin (budan ári - tehnıkalyq-ekonomıkalyq negizdeme) ázirlegennen keıin mynadaı kezeńderdi qamtıtyn ony kelisý rásimin júrgizedi:
1) tehnıkalyq-ekonomıkalyq negizdemege sanıtarııalyq- epıdemıologııalyq qyzmet organdarynan halyqtyń sanıtarııalyq- epıdemıologııalyq salaýattylyǵy salasyndaǵy normatıvtik quqyqtyq aktilerge sáıkestigi týraly sanıtarııalyq-epıdemıologııalyq qorytyndy alý;
2) tehnıkalyq-ekonomıkalyq negizdemege memlekettik ekologııalyq saraptama obektisiniń sanatyna baılanysty qorshaǵan ortany qorǵaý salasyndaǵy ýákiletti organnan nemese oblystyń, respýblıkalyq mańyzy bar qalanyń, astananyń jergilikti atqarýshy organynan (budan ári - jergilikti atqarýshy organ) memlekettik ekologııalyq saraptamanyń oń qorytyndysyn alý;
3) tehnıkalyq-ekonomıkalyq negizdemege memsaraptamanyń oń qorytyndysyn alý.
5. Tapsyrys berýshiniń (ınvestordyń) tehnıkalyq-ekonomıkalyq negizdemege halyqtyń sanıtarııalyq-epıdemıologııalyq salaýattylyǵy salasyndaǵy normatıvtik quqyqtyq aktilerge sáıkestigi týraly sanıtarııalyq- epıdemıologııalyq qorytyndyny alýy «Halyq densaýlyǵy jáne densaýlyq saqtaý júıesi týraly» 2009 jylǵy 18 qyrkúıektegi Qazaqstan Respýblıkasynyń Kodeksi 62-babynyń 2-tarmaǵynda kózdelgen tártipke sáıkes júzege asyrylady.
6. Tapsyrys berýshiniń (ınvestordyń) tehnıkalyq-ekonomıkalyq negizdemege memlekettik ekologııalyq saraptamany alýy 2007 jylǵy 9 qańtardaǵy Qazaqstan Respýblıkasynyń Ekologııalyq kodeksi 49-babynyń 2-tarmaǵynda kózdelgen tártipke sáıkes júzege asyrylady.
7. Tapsyrys berýshiniń (ınvestordyń) tehnıkalyq-ekonomıkalyq negizdemege memsaraptama alýy Qazaqstan Respýblıkasy Úkimetiniń 2002 jylǵy 19 tamyzdaǵy № 918 qaýlysymen bekitilgen Qarjylandyrý kózderine qaramastan qurylysqa arnalǵan jobalaý aldyndaǵy (tehnıka-ekonomıkalyq negizdemeler) jáne jobalaý (jobalaý-smetalyq) qujattamaǵa saraptama júrgizý, sondaı-aq memlekettik ınvestısııalar esebinen salynyp jatqan jobalardy bekitý erejesine sáıkes júzege asyrylady.
8. Tapsyrys berýshi (ınvestor) tehnıkalyq-ekonomıkalyq negizdemege halyqtyń sanıtarııalyq-epıdemıologııalyq salaýattylyǵy salasyndaǵy normatıvtik quqyqtyq aktilerge sáıkestigi týraly sanıtarııalyq-epıdemıologııalyq qorytyndyny, tehnıkalyq-ekonomıkalyq negizdemege memlekettik ekologııalyq saraptamanyń oń qorytyndysyn jáne tehnıkalyq-ekonomıkalyq negizdemege memsaraptamanyń oń qorytyndysyn alǵannan keıin kúntizbelik otyz kún ishinde tehnıkalyq-ekonomıkalyq negizdemeni bekitedi.
3. Jylýmen jabdyqtaý maqsattary úshin jańartylatyn energııa kózderin paıdalaný obektilerin salý jobasyn kelisý jáne bekitý tártibi, merzimderi
9. Tapsyrys berýshi (ınvestor) jylýmen jabdyqtaý maqsattary úshin jańartylatyn energııa kózderin paıdalaný obektisin salý jobasyn (budan ári - salý jobasy) ázirlegennen keıin mynadaı kezeńderdi qamtıtyn ony kelisý rásimin júrgizedi:
1) salý jobasyna sanıtarııalyq-epıdemıologııalyq qyzmet organdarynan halyqtyń sanıtarııalyq-epıdemıologııalyq salaýattylyǵy salasyndaǵy normatıvtik quqyqtyq aktilerge sáıkestigi týraly sanıtarııalyq- epıdemıologııalyq qorytyndy alý;
2) salý jobasyna memlekettik ekologııalyk saraptama obektisiniń sanatyna baılanysty qorshaǵan ortany qorǵaý salasyndaǵy ýákiletti organnan nemese jergilikti atqarýshy organnan memlekettik ekologııalyq saraptamanyń oń qorytyndysyn alý;
3) salý jobasyna memsaraptamanyń oń qorytyndysyn alý;
4) salý jobasyn aýmaǵynda jylýmen jabdyqtaý maqsattary úshin jańartylatyn energııa kózderin paıdalaný obektisin salý josparlanatyn jergilikti atqarýshy organmen kelisý.
10. Tapsyrys berýshiniń (ınvestordyń) salý jobasyna halyqtyń sanıtarııalyq-epıdemıologııalyq salaýattylyǵy salasyndaǵy normatıvtik quqyqtyq aktilerge sáıkestigi týraly sanıtarııalyq-epıdemıologııalyq qorytyndyny alýy «Halyq densaýlyǵy jáne densaýlyq saqtaý júıesi týraly» 2009 jylǵy 18 qyrkúıektegi Qazaqstan Respýblıkasynyń Kodeksi 62-babynyń 2-tarmaǵynda kózdelgen tártipke sáıkes júzege asyrylady.
11. Tapsyrys berýshiniń (ınvestordyń) salý jobasyna memlekettik ekologııalyq saraptamany alýy 2007 jylǵy 9 qańtardaǵy Qazaqstan Respýblıkasynyń Ekologııalyq kodeksi 49-babynyń 2-tarmaǵynda kózdelgen tártipke sáıkes júzege asyrylady.
12. Tapsyrys berýshiniń (ınvestordyń) salý jobasyna memsaraptama alýy Qazaqstan Respýblıkasy Úkimetiniń 2002 jylǵy 19 tamyzdaǵy №918 qaýlysymen bekitilgen Qarjylandyrý kózderine qaramastan qurylysqa arnalǵan jobalaý aldyndaǵy (tehnıka-ekonomıkalyq negizdemeler) jáne jobalaý (jobalaý-smetalyq) qujattamaǵa saraptama júrgizý, sondaı-aq memlekettik ınvestısııalar esebinen salynyp jatqan jobalardy bekitý erejesine sáıkes júzege asyrylady.
13. Tapsyrys berýshi (ınvestor) salý jobasyn aýmaǵynda jylýmen jabdyqtaý maqsattary úshin jańartylatyn energııa kózderin paıdalaný obektisin salý josparlanatyn jergilikti atqarýshy organmen kelisý úshin mynadaı qujattardy qosa bere otyryp, salý jobasyn jergilikti atqarýshy organǵa jiberedi:
1) tapsyrys berýshi (ınvestor) bekitken tehnıkalyq-ekonomıkalyq negizdemeniń kóshirmesi;
2) jylýmen jabdyqtaý maqsattary úshin jańartylatyn energııa kózderin paıdalaný obektisin salýǵa jer ýchaskesin berý týraly jergilikti atqarýshy organ sheshiminiń kóshirmesi;
3) jylýmen jabdyqtaý maqsattary úshin jańartylatyn energııa kózderin paıdalaný obektisin energııa taratýshy uıymnyń jylý jelisine qosý múmkindigin rastaıtyn qujattyń (hattyń) kóshirmesi;
4) salý jobasyna halyqtyń sanıtarııalyq-epıdemıologııalyq salaýattylyǵy salasyndaǵy normatıvtik quqyqtyq aktilerge sáıkestigi týraly sanıtarııalyq-epıdemıologııalyq saraptama qorytyndysy;
5) salý jobasyna memlekettik ekologııalyq saraptamanyń oń qorytyndysy;
6) salý jobasyna memsaraptamanyń oń qorytyndysy.
14. Jergilikti atqarýshy organ salý jobasyn alǵan kúninen bastap kúntizbelik on bes kún ishinde qaraıdy jáne kelisedi.
15. Tapsyrys berýshi (ınvestor) salý jobasyn jergilikti atqarýshy organmen kelisilgen kúnnen keıin kúntizbelik otyz kún ishinde bekitedi.