BAILAR DA... BALA BOLǴAN

Tarazdyq kásipkerler jeke qarjylaryna balalar alańdaryn jasaýǵa kiristi “Senim” kompanııasynyń basshysy Aqylbek Sadyrbaev Taraz qalasynyń ortalyǵyndaǵy Qazybek bı kóshesine ornalasqan kópqabatty №49 úıdiń turǵynda­­­ryn qýanyshqa keneltti. Kompanııa qurylysshylary bir jarym aıdyń ishinde úıdiń aý­la­syndaǵy 2700 sharshy metr jer­ge asfalt tósep, 970 qýma metr bordıýr qoısa, 276 sharshy metr jer­di qunarly topyraqpen tegis­tep, jasyl óskin tuqymyn septi. Sonymen birge, kompanııa qam­qorlyǵynyń arqasynda aýla ortasynan búldirshinderge arnal­ǵan túrli átkenshekter men syr­ǵanaqtar paıda boldy. Olardyń ata-analary úshin oryndyqtar qoıylyp, tennıs ústelderi ornatyldy. Bir sózben aıtqanda, búginde №49 úıdiń turǵyndary­nyń qýanyshynda shek joq. Al aýla... balalar merekesine aınal­ǵan. Eń bastysy, ol merekeni bólisýge oblys ákimi Qanat Bo­zymbaev pen qala ákimi Ertarǵyn Astaevtyń ózderi keldi. Bul ıgi bastama qalaı paıda boldy? Buryn qolǵa alynyp pa edi ózi? Álbette, ár basshynyń tusynda ár túrli bastama bola­tyny belgili. Biraq, bir ókinishtisi, sol ıgi ister aıaǵyna deıin jet­kizilmeıdi. Oblys ákimi Qanat Bozymbaev osy shalaǵaılyqty boldyrmaý úshin “Jasyl el” qoǵamdyq uıy­my kótergen bastamany ózi baqy­laýǵa aldy. Demek, bıyl oblys ortalyǵynda 65 balalar alańy paıda bolady. Sóıtip, 3 jyldyń ishinde qaladaǵy barlyq turǵyn úılerdiń aýlalary qamtylady. – Halqymyzda “elde bolsa eringe tıedi” degen sóz bar. Eń bi­rinshi – el aman bolsyn! Bizdiń isi­mizdiń órge basýy sol aına­laı­yn halyqtyń arqasy. Sondyqtan biz de eldiń bolashaǵy – balalar úshin qolymyzdan keletin jaq­sy­lyqtan aıanbaımyz. Onyń ústine osy ıgi iske uıytqy bolyp, atqarylyp jatqan jumys bary­syn qadaǵalap otyrǵan oblys, qala basshylaryna da rahmet, – deıdi kompanııa ókiliniń biri Altynbek Sadyrbaev. Kópqabatty turǵyn úıdiń aý­lasyna 12 mıllıon teńgedeı jeke qarjysyn jumsaǵan “Senim” kom­panııasynyń basshylarynyń jo­marttyǵy men jumysshylarynyń sapaly jumystaryna turǵyndar rıza boldy. Kósemáli SÁTTIBAIULY, TARAZ.