Juptyq synda óner kórsetetin qazaqstandyq tennısshi Anna Danılına Meksıkanyń Gvadalahara qalasynda ótken áıelder arasyndaǵy WTA1000 juptyq týrnıriniń fınalynda jeńildi.
Jerlesimiz Meksıkadaǵy saıysqa brazılııalyq Beatrıs Haddad Maııamen birge jup qurap qatysty. Jartylaı fınalǵa deıin upaıdan shashaý shyǵarmaǵan Anna men Beatrıs fınalda aýstralııalyq Storm Sanders pen brazılııalyq Lýıza Stefanı jubymen kezdesip, taı-breıkte qarsylastaryna jol berdi – 7:6, 6:7, 10:08. Osylaısha, Anna men Beatrıs bıyl ekinshi ret fınalda utyldy.
Bir aıta keterligi, jerlesimiz osy jarystyń fınalyna shyqqany úshin 31 qazan men 7 qarasha kúnderi AQSh-tyń Fort-Ýert qalasynda ótetin WTA sanatyndaǵy jyldyń eń sońǵy týrnırine qatysýǵa múmkindik aldy. Anna osy jetistikke qol jetkizgen tarıhtaǵy ekinshi qazaqstandyq tennısshi atandy. Buǵan deıin Iаroslava Shvedova fınaldyq týrnırge joldama alǵan bolatyn.