Koreıanyń Sýnchhon qalasynda ótken maýntınbaıktan Sary qurlyq chempıonaty aıaqtaldy. Qurlyqtyń 17 elinen kelgen 200-den astam veloshabandoz qatysqan jarysta Qazaqstan quramasynyń ókilderi de baq synady.
Bıylǵy Azııa chempıonatynda Qazaqstan quramasynyń sportshylary jalpy sany jeti júlde jeńip aldy. Atap aıtar bolsaq, áıelder arasyndaǵy taý velosıpedi boıynsha Alına Sarqulova altynnan alqa taqsa, Alına Spırına Olımpıada baǵdarlamasyna engen kross-kantrı jarysynda chempıon atandy. Sonymen qatar Qazaqstan quramasy estafetada top jardy.
Sondaı-aq Vıoletta Kazakova eki márte kúmis júlde jeńip alsa, Denıs Sergıenko da bas júldege synyq súıem qalǵanda súrinip, ekinshi orynǵa taban tiredi. Al Alına Sarqulova (ekinshi júldesi) el qorjynyna qola medal saldy. Osylaısha, jalpykomandalyq esepte 3 altyn, 3 kúmis, 1 qolamen Qazaqstan quramasy 1-oryn aldy.