ASTANA. 26 mamyr. Eýrazııalyq ekonomıkalyq odaqtyń qurylýy tek qatysýshy memleketter úshin ǵana emes, búkil Eýrazııa qurlyǵyna paıdasyn tıgizedi. Úkimet basshysynyń birinshi orynbasary Baqytjan Saǵyntaev VII Astana ekonomıkalyq forýmy aıasyndaǵy paneldik sessııada osylaı dedi. Bul týraly primeminister.kz habarlady.
Baqytjan Saǵyntaevtyń aıtýynsha, elimiz barlyq saýda seriktesterimen yntymaqtastyqty keńeıtýdi, ózara ınvestısııalar kólemin arttyrýdy quptaıdy. Eýrazııalyq ekonomıkalyq odaqtyń áleýeti óziniń qatysýshylaryna, sonymen birge, Eýrazııa qurlyǵyndaǵy barlyq elderge paıda ákeletinine senim mol.
Sondaı-aq, ol birqatar memleketterdiń Eýrazııalyq ekonomıkalyq odaqqa joǵary deńgeıde qyzyǵýshylyq tanytyp otyrǵanyn atap ótti.
Joldybaı Bazar.
Derekkóz: primeminister.kz.
Foto: primeminister.kz.