ASTANA. 26 mamyr. Qazaqstannyń ózenderi men kólderinde ótken táýliktiń ishinde 7 adam sýǵa aǵyp ketti. Bul týraly Tótenshe jaǵdaılar mınıstrliginiń deregine silteme jasaǵan «QazAqparat» habarlady.
Taldyqorǵan mańyndaǵy Qaratal ózeninde shomylyp júrgen 16 jasar qyz sýdan shyǵa almaı qaldy. Onyń denesin Almaty oblystyq tótenshe jaǵdaılar departamenti sýdan qutqarý qyzmetiniń qyzmetkerleri taýyp aldy.
Almaty oblysynda 18 jasar jas jigit te sýdan ajalyn tapty. Ol Qarasaı aýdany jerindegi «№2 Oktıabr» sý qoımasyna batyp ketti. Shomylyp júrip sýǵa ketip qalǵan onyń denesin oblystyq tótenshe jaǵdaılar departamenti sýdan qutqarý qyzmeti taýyp aldy.
Bul kúni osy oblystyń Ile aýdanynda da sýdyń saldarynan qara jamylyp qalǵan otbasy boldy. 1985 jyly týǵan jigit osyndaǵy «Lokator» dep atalatyn kólge batyp ketti. Onyń máıiti oblystyq tótenshe jaǵdaılar departamenti sýdan qutqarý qyzmetiniń kúshimen syrtqa shyǵaryldy.
Tarazdaǵy «Bazarbaı» kanalynan 1994 jyly týǵan eki jas jigit shyǵa almaı qalǵan. Saǵa shomylyp júrip aǵyp ketken olardyń biriniń denesi tabyldy. Endi sýdan qutqarý qyzmetiniń qutqarýshylary ekinshisi izdestirip jatyr.
Ońtústik Qazaqstan oblysynyń Túrkistan qalasynda da bir jasóspirim tilsiz jaýdyń qurbanyna aınaldy. Qala irgesinde aǵyp jatqan Qarashyq ózeniniń ıirimi 2001 jyly týǵan balany tartyp áketti. Onyń denesin jergilikti polısııa qyzmetkerleri alyp shyqqan.
Soltústik Qazaqstan oblysynyń Lobanovo selosynda balyq aýlap júrgen kezinde 1986 jyly týǵan azamat sýǵa batyp ketken. Onyń denesin oblystyq tótenshe jaǵdaılar departamenti sýdan qutqarý qyzmeti sýdan alyp shyqty.
Qurysh Nurymbet.
Derekkóz: «QazAqparat».
Foto: ngs24.ru.