2022 jyldyń toǵyz aıynda IJО́ ósimi 2,8%-dy qurady. Bul týraly Ulttyq bank tóraǵasy Ǵalymjan Pirmatov baspasóz máslıhatynda málimdedi, dep habarlaıdy Egemen.kz.
Onyń aıtýynsha, bul kórsetkish boljamdarǵa sáıkes keledi.
«Iskerlik belsendiliktiń baıaýlaýy negizinen taý-ken ónerkásibindegi álsiz dınamıka esebinen júredi. Bul elimizdiń negizgi ken oryndarynda jóndeý jáne Qashaǵan zaýytyndaǵy apatqa baılanysty. О́ńdeý ónerkásibi, saýda, aqparat jáne baılanys, kólik jáne aýyl sharýashylyǵy oń úles qosýda», dep túsindirdi Ǵalymjan Pirmatov.
Sonymen qatar ol ekonomıkanyń damý dınamıkasynyń boljamdardan aýytqýynyń aıqyn tendensııasy baıqalmaıtynyn atap ótti.
«IJО́ ósimi qalyptasqan baǵa konıýnktýrasy jáne jyl sońyna qaraı munaı óndirisiniń ósý qarqynyn qalpyna keltirý aıasynda ishki suranys pen naqty eksporttyń oń traektorııasymen qamtamasyz etiledi. Bul rette Qazaqstan ekonomıkasynyń turaqty damýy úshin táýekelder ósip kele jatqan ınflıasııalyq prosester jazyqtyǵynda jatyr», dep tolyqtyrdy Ǵ.Pirmatov.