Elorda men elimizdiń 13 oblysynda daýyldy eskertý jarııalandy, dep habarlaıdy Egemen.kz «Qazgıdromet» RMK-ǵa silteme jasap.
Qaraǵandy oblysynyń soltústik jartysynda kóktaıǵaq, qarly boran kútiledi. Batystan soǵatyn jel soltústikte, shyǵysta jáne oblys ortalyǵynda ekpini 15-20 m/s. 27 qazanda Qaraǵandyda kóktaıǵaq kútiledi. Batystan soǵatyn jel túnde ekpini 15 m/s bolady.
Soltústikte, Qyzylorda oblysynyń ortalyǵynda tuman kútiledi.
Soltústikte, batysta, Aqtóbe oblysynyń ortalyǵynda túnde jáne tańerteń tuman kútiledi.
Mańǵystaý oblysynda shyǵystan jel soǵady. Kúndiz Aqtaýda ekpini 15-18 m/s deıin jel soǵady.
Túrkistan oblysynyń taýly aımaqtarynda tuman kútiledi. Batystan, soltústik-batystan jel soǵady, batysta, soltústikte, oblystyń taýly jáne taý bókterindegi aýdandarynda 15-20 m/s, taýly asýlarda ekpini 25 m/s jel soǵady. Shymkentte 27 qazanda túnde batystan, soltústik-batystan soǵatyn jeldiń ekpini 15-20 m/s kútiledi.
Kúndiz Aqmola oblysynyń shyǵys jartysynda jaýyn-shashyn kútiledi. Oblystyń soltústiginde, batysynda, shyǵysynda tuman, kóktaıǵaq, kútiledi. Kókshetaýda 27 qazanda jaýyn-shashyn (qarǵa aýysatyn jańbyr), túnde jáne tańerteń tuman, kóktaıǵaq, qar kútiledi. Soltústikten jel soǵady, túnde jáne tańerteń ekpini 15-20 m/s bolady.
Soltústik, ońtústik-batys, Abaı aýdanynyń ortalyǵynda ońtústik, ońtústik-batystan soǵatyn jel ekpini 25 m/s. Semeıde 27 qazanda ońtústik, ońtústik-batystan soǵatyn jeldiń ekpini 15-20 m/s.
Batys Qazaqstan oblysynyń soltústik-shyǵysynda tuman kútiledi. Soltústik-shyǵystan ońtústik-shyǵysqa aýysatyn jel, kúndiz batysta, oblystyń ońtústiginde ekpini 15-20 m/s bolady. Oralda 27 qazanda túnde jáne tańerteń tuman kútiledi.
Shyǵys Qazaqstan oblysynyń soltústiginde, shyǵysynda kóktaıǵaq, baıaý burqasyn kútiledi.
Qostanaı oblysynyń shyǵysynda, ońtústiginde kóktaıǵaq, tómen qarly boran kútiledi. Túnde jáne tańerteń oblystyń soltústiginde tuman bolady.
Jetisý oblysynyń soltústiginde, shyǵysynda ońtústik-batystan jel soǵady, ekpini 15-20 m/s.
Pavlodar oblysynyń soltústigi men batysynda kóktaıǵaq kútiledi, kúndiz baıaý burqasyn bolady. Ońtústik-batystan soǵatyn jel ekpini 15-20 m/s.
27 qazanda túnde Soltústik Qazaqstan oblysynyń basym bóliginde jaýyn-shashyn, azdaǵan burqasyn kútiledi. Soltústikten soǵatyn jel ekpini 23-28 m/s. Petropavlda 27 qazanǵa qaraǵan túni jaýyn-shashyn, kóktaıǵaq kútiledi.
Astanada keı ýaqytta jaýyn-shashyn (jańbyr, qarǵa aýysady), tuman, kóktaıǵaq kútiledi.