ASTANA. 26 mamyr. Eýrazııalyq ekonomıkalyq odaqtyń jańa naryǵyna elimizdiń taýarlaryn ótkizý kólemi ulǵaıady. VII Astana ekonomıkalyq forýymy sheńberinde uıymdastyrylǵan «Eýrazııalyq ekonomıkalyq ıntegrasııa - 20 jyl. Qorytyndylar men perspektıvalar» atty plenarlyq otyrysta Ulttyq bank tóraǵasy Qaırat Kelimbetov osylaı dedi. Bul týraly primeminister.kz. habarlady.
Q.Kelimbetov: «Jalpy, biz elimizdegi barlyq ekonomıkalyq baǵdarlamalardy júzege asyrýdy, ekonomıkany ártaraptandyrýdy, ulttyq ınnovasııalyq strategııany júzege asyrýdy óz ónimderimizdi Eýrazııalyq ekonomıkalyq odaq elderiniń naryqtaryna jetkizý múmkindigi retinde qaraımyz. Osy turǵyda ınvestorlar tek qana bizge emes, Keden odaǵy elderiniń jalpy naryǵyna keletinin kózdeı otyryp, sheteldik ınvestısııalarmen tikeleı jumys isteımiz», – dedi.
Budan bólek, ol otandyq bıznes ókilderine Reseı, Belarýs elderindegi memlekettik satyp alýlar naryǵyna ený qoljetimdi bolatynyn atap ótti.
Joldybaı Bazar.
Derekkóz: primeminister.kz.
Foto: primeminister.kz.