Qasym-Jomart Toqaev Qazaqstan Respýblıkasynyń prezıdenttigine kandıdat retinde Respýblıkalyq qoǵamdyq shtabqa baryp, úgit-nasıhat jáne taldaý ortalyqtary, qoǵamdyq qabyldaý bólmesi, medıa shtab, senimdi ókilderdiń jumysyn úılestirý ortalyǵy, baıqaýshylar shtaby men jastar alańynyń jumysymen tanysty.
Qoǵamdyq shtabtyń quramyna 474 adam engen. Olardyń qatarynda Halyqtyq koalısııaǵa birikken uıymdardyń belgili azamattary, ǵylymı-sarapshylyq qaýymdastyq ókilderi, Parlament depýtattary, jastar bar. Elimizdiń ár óńirinde 226 shtab qurylyp, 6 myńnan astam adam qyzmet etedi.
Shtab músheleri 200-den astam eldi mekendi aralap shyǵýdy josparlap otyr. Osylaısha, respýblıkalyq jáne óńirlik shtabtar 52 myńnan astam is-shara ótkizbek. Úgit-nasıhat jumystaryna Halyqtyq koalısııanyń 7,5 myń belsendisi tartylǵan. Sondaı-aq 30 myń senimdi ókil tirkelip, saılaý kúni barlyq ýchaskede jumys isteý úshin 20 myńǵa jýyq baqylaýshy daıyndaldy.
Respýblıkalyq jáne óńirlik qoǵamdyq shtabtardyń jumysy týraly aqparatty tyńdaǵan Qasym-Jomart Toqaev barlyǵyna senim artqany úshin alǵys aıtyp, óziniń «Ádiletti Qazaqstan: bárimiz jáne árqaısymyz úshin. Qazir jáne árdaıym» atty saılaýaldy baǵdarlamasyn tanystyrdy.