Qyrǵyz mádenıeti kúnderi bastaldy

Atap aıtsaq, kórmeler men konsertter, dóńgelek ústel, fılmder men spektaklder. Kı­no­kór­setilimniń alǵashqy kúninde «Akyrky kóch» (rejısseri B.Mu­qul), «Darak yry» (rejısseri A.Da­ıyrbekov), «Shambala» (rejıs­seri A.Sýıýndýkov), «Kól» (rejıs­seri A.Sýıýndýkov) kartına­lary usynyldy. Qyrǵyz kınosy kún­deriniń resmı ashylýyna Qyrǵyz Res­pýblıkasynyń Mádenıet, aq­parat, sport jáne jastar saıasaty mı­nıstri Altynbek Maqsutov, Qa­zaq­stannyń Mádenıet jáne sport vıse-mınıstri Nurǵısa Dáýe­shov qatysty.

Eske sala keteıik, 2021 jylǵy 2-3 naýryzda el Prezıdenti Qasym-Jomart Toqaevtyń shaqyrýymen Qyr­ǵyz Respýblıkasynyń Pre­zı­­denti Sadyr Japarov memle­ket­­tik saparmen kelgen bolatyn. Kelissózder barysynda eki eldiń ekijaqty jáne kópjaqty yn­ty­maq­tastyǵynyń ózekti másele­leri talqylanyp, mádenıet kún­derin tepe-teń negizde ótkizýge ýaǵ­dalasqan edi. Keıin Qazaqstan Respýb­lıkasynyń Mádenıet kúnde­ri Qyrǵyzstanda 2021 jylǵy 7-9 qazanda Bishkek qalasynda ótkeni esimizde. Álqıssa.

Elimizdegi Qyrǵyz Respýblı­kasynyń Mádenıet kúnderi aıasynda Mádenıet jáne sport mınıstri Dáýren Abaev Qyrǵyz Respýb­lıkasynyń Mádenıet, aqparat, sport jáne jastar saıasaty mı­nıstri Altynbek Maqsutovpen kez­desti. Kezdesý barysynda eki el arasyndaǵy mádenı-gýmanı­tar­lyq yntymaqtastyq másele­leri, atap aıtqanda, Astanada Ma­nas es­kert­kishin ornatý, «Eýra­zııa» kıno­festıvalin jáne kóshpen­di­lerdiń dúnıejúzilik oıyndaryn ótkizý máseleleri talqylandy.

Sondaı-aq Ulttyq akade­mııa­lyq kitaphanada eki eldiń zııaly qaýym ókilderiniń qatysýymen «Túr­ki áleminiń qos alyby: Áýezov jáne Aıtmatov» forýmy ótti. Is-shara, eń aldymen eki el ara­syn­daǵy gýmanıtarlyq baılanystardy nyǵaıtýdy maqsat etti. Atap aıtqanda, taraptar eki zańǵar jazýshy Muhtar Áýezov pen Shyńǵys Aıtmatov shyǵarmashylyǵynyń mádenıetaralyq ynty­maq­tas­tyq­taǵy rólin talqylady. Forým ju­mysyna memlekettik organ­dardyń ókilderi, qoǵam qaırat­kerleri, Qazaqstan men Qyrǵyz Res­pýb­lıkasynyń shyǵarmashylyq jáne ǵylymı zııaly qaýymy qatys­ty.

Odan bólek 27 qazanda Ulttyq mýzeıde qyrǵyz sýretshileriniń shyǵarmashylyǵyna qurylǵan «Bas­taý» kórmesi ashylady. Sondaı-aq bul kúni Q.Qýanyshbaev atyndaǵy Memlekettik akademııalyq qazaq mýzykalyq-drama teatry sahnasynda qyrǵyz óner sheberleriniń gala-konserti ótedi, sazdy keshtiń aıasynda Qyrǵyzstannyń tarıhı-mádenı murasy men qolóneriniń kórmesi de usynylmaq.

Al 28 qazanda «Manas» eposyna arnalǵan konsert jáne Nur­dın Túgelov atyndaǵy «Aq ma­ral» memlekettik bı ansambli men Chalagyz Isabaev atyndaǵy «Qambarqan» folklorlyq-etno­gra­fııalyq ansambliniń konserti josparlanyp otyr.

Sondaı-aq 29 qazanda ótetin Mádenıet kúnderiniń saltanatty jabylýynda Toktobolot Ábdi­momynov atyndaǵy Qyrǵyz ulttyq aka­de­mııalyq drama teatrynyń «Saman­chynyń jolý» spektakli kórsetiledi.

Aıta keteıik, Qyrǵyzstannyń Mádenıet kúnderi delegasııasyn Qyrǵyz Respýblıkasynyń Máde­nıet, aqparat, sport jáne jastar saıasatynyń mınıstri Altynbek Maqsutov basqarady. Mádenı is-sharaǵa Qyrǵyzstannan 300-den astam adam qatysyp otyr. Má­se­len, halyq ártisteri, halyq aqyn-ja­zýshylary, kıno maıtalman­dary, ǵylym doktorlary jáne KSRO halyq ártisi Samara Toq­taqunova bastaǵan qoǵam qaırat­kerleri, Toqtobolot Ábdimomynov atyn­daǵy Qyrǵyz ulttyq akade­mııa­lyq drama teatry, Ábdylas Mal­dybaev atyndaǵy Qyrǵyz ulttyq akademııalyq opera jáne balet teatry, Kameralyq hor jáne kameralyq orkestr Toqtoǵul Satyl­ǵanov atyndaǵy Qyrǵyz ulttyq fılarmonııasy, Nurdın Túge­lov atyndaǵy «Aq maral» memle­kettik bı ansambli, Shalaǵyz Isabaev atyndaǵy «Qambarqan» folk­lorlyq-etnografııalyq ansambli, Qara­moldo Orozov atyndaǵy halyq aspaptar akademııalyq orkestri, Asanqan Jumahmatov atyndaǵy Memlekettik akademııalyq sım­fonııalyq orkestri, «Manas» ult­tyq teatry, Qyrǵyzstan jazýshylary, sýretshileri men kınematografıster odaǵy, Qyrǵyzstan ulttyq tarıhı mýzeıi, «Aqaq» komýzısteri, dızaınerler men rejısserler – qoıylym toby bar.