Balalardyń qatysýymen bolatyn órt oqıǵalary azaımaı tur. Ásirese mektep demalysy kezinde jaǵymsyz jaǵdaılar jıi tirkeledi. Eger órttiń sebebi ata-analardyń balalardy durys qadaǵalamaýy sebebinen týyndasa, bul úshin zańda jaza qarastyrylǵanyn esten shyǵarmaǵan jón.
Balalardyń otqa degen qyzyǵýshylyǵy eresekterge elikteýden bastalatynyn bári biledi. Balalar sirińkemen oınaıdy, ot jaǵady. О́kinishtisi sol, mundaı áreketter páter, baspaldaq, jertóle sııaqty tutansa, jalyn tez jalmaıtyn oryndarda jıi kezdesedi.
Balaǵa sirińkemen oınaýǵa bolmaıtynyn aıtý jetkiliksiz, sendirý kerek. Sirińkeler men ózge de tutandyrǵysh zattardy, sondaı-aq órt turǵysynan asa qaýipti buıymdardy balalardyń qoly jetpeıtin jerde saqtaý jáne múmkindiginshe balalardy uzaq ýaqyt qaraýsyz qaldyrmaý mańyzdy. Balanyń órtke qarsy qyzmettiń «101» telefon nómirin bilýi artyq etpeıdi.
Tájirıbe kórsetkendeı, bilim berý mekemelerinde júrgizilip jatqan órt qaýipsizdigi salasyndaǵy profılaktıkalyq jumys otbasynyń qatysýynsyz barynsha tıimdi nátıje bere almaıdy. Sondyqtan biz ata-analardy balalaryna muqııat bolýǵa shaqyramyz. Múmkin bolatyn qaıǵyly jaǵdaıdyń aldyn alý úshin bárimiz órt qaýipsizdigi erejelerin qatań saqtaýymyz kerek. О́rttiń aldyn alýmen aınalysatyn mekteptiń, otbasynyń jáne memlekettik órtke qarsy qyzmet qyzmetkerleriniń biryńǵaı tásilimen ǵana oń nátıjelerge qol jetkizýge bolady.
Qaırat ASQAROV,
Astana qalasy TJD Esil aýdany TJB-niń aǵa ınjeneri,
azamattyq qorǵaý kapıtany