UQK-niń burynǵy basshysy Kárim Másimov pen Ulttyq qaýipsizdik komıteti tóraǵasynyń burynǵy orynbasary Ánýar Sadyqulovty qamaýda ustaý merzimi taǵy da uzartyldy, dep habarlaıdy Egemen.kz.
«K.Q. Másimov pen Á.T. Sadyqulovty qamaýda ustaý merzimi 2022 jyldyń 6 jeltoqsanyna deıin, D.E. Erǵojınniń qamaý merzimi 2022 jyldyń 13 jeltoqsanyna deıin, M.S. Osıpovty qamaýda ustaý merzimi 2022 jyldyń 22 jeltoqsanyna deıin uzartyldy», dep habarlady Ulttyq qaýipsizdik komıtetiniń baspasóz qyzmeti.
Eske sala keteıik, bıylǵy jyldyń 6 qańtarynda Memleket basshysynyń Jarlyǵymen Kárim Másimov Qazaqstan Respýblıkasy Ulttyq qaýipsizdik komıtetiniń tóraǵasy qyzmetinen bosatylǵan edi.
Sondaı-aq UQK memleketke opasyzdyq jasaý faktisi boıynsha tergeýdi bastaǵany habarlandy.