QOSTANAI. 26 mamyr. Qostanaı oblysyndaǵy «Qaıraq» keden beketinde 10 kılogramǵa jýyq marıhýana men gashısh esirtkisin elimizge alyp ótpek bolǵan Reseı azamaty ustaldy. Bul týraly egemen.kz tilshisi habarlady.
Ulttyq qaýipsizdik komıtetiniń shekarashylary men Qostanaı oblysy Qarabalyq aýdandyq ishki ister bólimi qyzmetkerleri Rýdnyı qalasyna jolaýshylar avtobýsymen kele jatqan Magnıtogorsk (Reseı) qalasynyń 28 jastaǵy turǵynyn tekseredi. Nátıjesinde onyń sómkesinen salmaǵy 10 kılogramǵa jýyq marıhýana men gashısh zaty tabylady.
Qazir kúdiktiniń ústinen Qylmystyq kodekstiń 250-baby, 4-bólimi boıynsha is qozǵaldy.
Reseı azamaty esirtki tasymaly úshin 20 jylǵa bas bostandyǵynan aıyrylýy múmkin.
Názıra Járimbetova.
Derekkóz: egemen.kz.
Foto: fond-gbn.ru.