Qazaqstan Respýblıkasy prezıdenttigine úmitker Qaraqat Ábden astanalyq saılaýshylarmen kezdesti. Saılaýaldy jıynǵa qala turǵyndary, ulttyq kıim óndirýshileri jáne qolóner sheberleri qatysty.
Jıynda Qaraqat Ábden óziniń saılaýaldy baǵdarlamasyn tanystyrdy. Ol óz sózinde ulttyq kıim óndirýshileriniń eńbegi elenbeı jatqanyna nazar aýdaryp, ulttyq kıim óndirisine memleket tarapynan keńinen qoldaý kórsetý kerektigin aıtty. «Ulttyq kıim – estetıkalyq sán ǵana emes, halqymyzdyń tálim-tárbıesin, jastardyń boıyna patrıottyq sezim sińirýdiń eń tıimdi quraly. Dástúr de, óner de, halqymyzdyń fılosofııasy da ulttyq kıimimizde jatyr. Buryn tek Naýryz merekesinde esimizge túsetin ulttyq kıim qazirgi kezde suranysy bar ónimge, trendke aınaldy. Osy oraıda ulttyq kıim óndirýshileriniń eńbegi zor. Biz ulttyq kıim óndirýshilerine barynsha qoldaý kórsetýimiz kerek. Meniń saılaýaldy baǵdarlamam ulttyq mádenıetimizdi negizge ala otyryp jasalǵandyqtan, buǵan basa mán beremin», dedi Qaraqat Ábden.
Kezdesý barysynda Q.Ábden ulttyq kıimder sherýin ótkizýdi usyndy. Bul ózekti usynys kópshiliktiń qoldaýyna ıe boldy. «Qaraqat Ábdenniń ulttyq qundylyqtardy dáriptep, bizdiń máselelerimizge kóp kóńil bólgeni qýantady. Úmitkerdiń osy salada ózindik paıymy, tanymy bar ekendigi kórinip tur. Ulttyq kıimder sherýin birlesip ótkizýge daıynbyz», dedi «Bergen» toqyma mektebiniń ókili Láılá Lavrqyzy.