Fýtzaldan Chempıondar lıgasynyń toptyq básekesine qatysyp jatqan qazaqstandyq «Qaırat» pen «Aıat» klýbtary alǵashqy matchtaryn ótkizip, qarsylastarymen teń tústi.
Negizgi kezeńniń birinshi tobynda óner kórsetetin Almatynyń «Qaıraty» birinshi týrda Belgııanyń «Sportıng Anderleht» klýbymen kezdesip, 2:2 esebimen teń oınady. Matchtyń besinshi mınýtynda alań ıelerinen Franko Elovıch esep ashsa, 17-mınýtta «Qaırattyń» oıynshysy Rýıs Lavrattı tarazy basyn teńestirdi. Degenmen ekinshi taımda «Anderleht» taǵy da esepte alǵa shyǵyp aldy. Goldyń avtory – Dıogo. Matchtyń aıaqtalýyna eki mınýt qalǵanda Kaka alańǵa besinshi oıynshyny shyǵardy. Nátıjesinde, Dáýren Tursaǵulov 38-mınýtta mergendik tanytyp, komandasyn jeńilisten qutqaryp qaldy – 2:2. «Qaırat» keshe ekinshi týrda Ispanııanyń «Palma» ujymymen oınady.
Sondaı-aq Rýdnyıdyń «Aıaty» da alǵashqy týrda upaı bólisýge májbúr boldy. Horvatııada ótken matchta qazaqstandyq klýb jergilikti «Novo Vrıeme» klýbymen kezdesip, teń tústi. «Aıat» sapynan Anton Ryndın men Leandro gol soqsa, alań ıelerinen Tonı Elavıch bir goldy óz enshisine jazdy. О́kinishke qaraı, Azat Valıýllın baıqaýsyzda óz qaqpasyna gol soǵyp aldy. «Aıat» keshe Portýgalııanyń «Sportıng» klýbymen sheberlik baıqasty.