Jalaýly jarystar

Velosport. Keshe «Saryarqa» velo­treginde trektegi ja­rystardyń sońǵy kúni ótti. Al búgin Azııa chem­pıona­tyn­da tas joldaǵy ja­rystar bastalady. Fýtbol. Demalys kúnderi Qazaq­stan chem­pıonaty premer-lıgasynyń 13-týry ótti. Bul týrda Qyzylordanyń «Qaı­sar» komandasy mańyzdy jeńiske jetti. Olar óz alańynda «Astanany» 1:0 esebimen utyp, ekin­shi orynǵa shyqty. Al úsh týrdan beri jeńilistiń dámin kórmeı kel­gen Almatynyń «Qaıraty» Shym­­­­kentte «Ordabasydan» utyl­dy. Kez­desýdiń 84-mınýtynda Mı­­haıl Bakaev óz qaqpasyna gol so­ǵyp aldy. «Atyraý» óz alańynda «Er­tis­ten» jeńildi. Bul oıynda Konstantın Dýdchenko jal­ǵyz dop­tyń avtory atandy. Qara­ǵan­dyda «Shahter» «Tarazdy» utty. Bul matchta da jalǵyz gol soǵyldy. «Aqtóbe» oıynshylary syrt alańda Semeıdiń «Spartagyn» 1:0 ese­bimen jeńdi. Al «Jetisý» óz ala­­ńynda «Tobyldan» 1:2 esebimen utylyp qal­dy. Tennıs. Qazaqstandyq tennıs­shi Zarına Dııas Strasbýrgte ótip jatqan Tennis Internationaux de Strasbourg týrnıriniń shırek fınalyna shyqty. Biraq, ol aqtyq syn kezdesýi ústinde oıynnan bas tartty. Onyń sebebi bizge ázirge belgisiz. Zarına ekinshi aınalymda 21 jastaǵy horvat Aılı Tomlıanovıchti utqan bolatyn. Bul match eki setke sozylyp, 6:4, 7:6 esebimen Zarı­nanyń paıdasyna sheshildi. Endi Dııas shırek fınalda amerıkalyq Krıstına MakHeılmen kezdesedi. Týrnırde qazaq tennıs­shisi birinshi aınalymda álemniń 22-raketkasy 28 jasar belgııalyq Krısten Flıpkensti 2 saǵat 2 mınýtqa sozylǵan tartysty kezdesýde 6:2, 6:7, 6:3 esebimen utqan edi. Boks. Jaqynda Astanada Qa­zaqstan boks fede­ra­sııasynyń kýbogy jolyndaǵy týrnırdiń shırek fınaldyq kezdesýleriniń jerebesi tartyldy. Jerebe boıynsha «A» tobyn Mańǵystaý, Shyǵys Qazaqstan, Pavlodar oblystary men Almaty qalasy qurasa, «V» tobynda Astana qalasy, Jambyl, Aqtóbe, Batys Qazaqstan oblystary oınaıtyn boldy «S» tobyna Ońtústik Qazaqstan, Aqmola, Qostanaı men Qyzylorda oblystary tústi. «D» tobynda Qara­ǵandy, Almaty, Atyraý jáne Sol­tústik Qazaqstan oblystary kúsh synasady. Osy sharada jartylaı fınaldyq jekpe-jekterde qaı toptyń komandalary kezdesetini de belgili boldy. Sóıtip, jerebe boıynsha «A» jáne «S», «B» jáne «D» toptarynda birinshi oryn alǵan komandalar kúsh synasatyny anyqtaldy. Shırek fınalda «A» toby­nyń kez­­de­sýleri Almatyda, «S» tobynyń jekpe-jekteri Kók­shetaýda 1-3 tamyz kúnderi ótedi. «V» tobynyń aıqastary Aqtó­be­de, «D» tobynyń jarystary Qa­raǵandyda 8-10 tamyz kúnderi jala­ýyn kóteredi. Jar­tylaı fınal men fınal qa­­­lyp­tasqan dástúr boıynsha Astanada 14-15 jeltoqsan kúnderi ótedi. Dastan KENJALIN, «Egemen Qazaqstan».