QR Premer-Mınıstri Álıhan Smaıylov Qazaqstannyń TMD-ǵa tóraǵalyǵynyń negizgi qorytyndylaryn shyǵardy, dep habarlaıdy Egemen.kz.
«Bıyl Qazaqstan TMD-ǵa tóraǵalyq etýde. Tóraǵalyǵymyzdy júzege asyrý barysynda barlyq baǵyttar boıynsha praktıkalyq jumystar júrgizildi. Biz ony TMD-da qalyptasqan sabaqtastyq boıynsha jáne uıymnyń irgeli qujattaryna sáıkes júrgizdik. Birlesken jumystyń nátıjesi tıisti sharalar keshenin júzege asyra otyryp, TMD-nyń barlyq jarǵylyq jáne salalyq organdarynyń otyrysyn ótkizý boldy», dedi Álıhan Smaıylov TMD Úkimet basshylary keńesiniń keńeıtilgen otyrysynda.
Sondaı-aq Premer-Mınıstr Belarýs Respýblıkasy men Qyrǵyz Respýblıkasyna jumysqa kómekteskeni úshin alǵys aıtty.
«Qazaqstan Prezıdenti Qasym-Jomart Toqaev jaqynda ótken Dostastyq Memleketter basshylary keńesiniń otyrysynda TMD-nyń baqylaýshysy jáne seriktesi bolyp tabylatyn jańa ınstıtýttardy qurý týraly bastama kóterdi. Basqarma taraptarmen birlese otyryp, qazirdiń ózinde bul mańyzdy ıdeıany ázirleýde. Bul jumystyń nátıjesi TMD-nyń basqa eldermen jáne halyqaralyq qurylymdarmen jaqyndasýy úshin jańa múmkindikterge jol ashady», dep qosty Úkimet basshysy.