Somalı astanasynda eki úlken jarylys boldy. Qaıǵyly oqıǵa qala ortalyǵynda oryn aldy, dep habarlaıdy Egemen.kz Euronews-ke silteme jasap.
Bılik jarylys saldarynan ondaǵan adam qaza tapqanyn jáne zardap shekken adamdardyń naqty sany belgisiz ekenin habarlady. Ekinshi jarylys birinshisinen biraz ýaqyt ótken soń, qutqarýshylar qaıǵyly oqıǵa ornyna kelgen kezde boldy. Boljam boıynsha, eki jarylǵysh qurylǵy kólikterge ornatylǵan.
Jarylystar Somalı Úkimetiniń ekstremıstik «Ash-Shabab» tobynyń sodyrlaryna qarsy baǵyttalǵan aýqymdy operasııanyń barysyn talqylaǵan kezde boldy.
Aıta ketsek, osydan bes jyl buryn dál osy qıylysta júk kóligi jarylyp, 500-den astam adam kóz jumǵan edi. Bul shabýyldy «Ash-Shabab» toby uıymdastyrǵany anyqtaldy.