Dástúrli týrnır

Kazsports.kz-tiń habarlaýyn­sha, erler arasyndaǵy jekeleı synda Dıas Jırenbaev qys­qa jáne erkin baǵdarlamany qos­qanda 192,67 upaı jınady. Qazaq­standyq sportshy tek grýzın Nıka Egadzege (208,47 ball) ese jiberdi. Úzdik úshtikti ázerbaıjandyq Vladımır Lıtvınsev (188,77) túıindedi. Bul synda Rahat Bralın 4-satydan kórindi (181,22 upaı). Qalǵan qazaqstandyqtardyń nátıjesi: Oleg Melnıkov – 6-oryn (162,30), Elıseı Volkov 8-oryn (101,96).

Al áıelder arasynda ońtústik­koreıalyq Mınche Kım eshkimge des bergen joq (158,84 upaı). Otan­dasymyz Anna Levkoves qysqa baǵdarlamadan keıingi ornyn jalpy esepte de saqtap qalyp, kúmis medalǵa qol jetkizdi (145,43 upaı). Qola júlde taǵy bir ońtústikkoreıalyq Dabın Chhvege buıyrdy. Ol Annadan nebári 0,4 upaı qalyp ketti (145,06). О́zge qazaqstandyq mánerlep syr­­ǵanaýshylardyń nátıjesi tómen­­degideı: Anna Farafonova – 7-oryn (122,51), Bagdana Rahı­shova – 9-oryn (111,88), Iаsmın Tekık 10-oryn (105,70).

Juptyq synda kóptegen maman boljaǵandaı, japonııalyq Kana Mýramoto men Daısýke Takahası jeke-dara top jardy (188,30). Kúmis júlde germa­nııalyq Djennıfer Iаnse van Rensbýrg pen Bendjamın Stef­fan dýetine buıyrsa, qolany majar­standyq Marııa Ignateva men Danııl Shemko qanjyǵasyna baılady. Alǵashqy altylyqta óner kórsetken qazaqstandyq Gaýhar Naýryzova men Boısangýr Datıev qos baǵdarlamadan soń, 7-satyǵa jaıǵasty (145,12 upaı).

Jalpy, bıylǵy dodada Qazaq­stan, Japonııa, Ońtústik Koreıa, Italııa, Fransııa, Germanııa, Izraıl, Bolgarııa, Majarstan, Ázerbaıjan, Moldova, Arme­nııa, Grýzııa, Ýkraına men Qyr­ǵyzstan sportshylary baq syna­dy. Otandastarymyz barlyq baǵ­dar­lamada óner kórsetkenin aıta ketken jón.

Esterińizge sala keteıik, Sochı Olımpıadasynyń qola júl­degeri Denıs Tendi eske alýǵa arnalǵan báseke alǵash ret 2019 jyly Almatyda ótken. Byltyr mártebeli týrnırdi Astana qala­sy qabyldaǵan. Ol kezde 18 el­diń sportshylary elimizdiń bas qalasynda ózara sheberlik baıqasqan.

Denis Ten Memorial Challenge týrnırin Sportty damytý dıreksııasy men Almaty qalasy ákimdiginiń qoldaýymen Denıs Ten qoǵamdyq qory uıymdastyrdy.

«Halyq arenada» marapat­taý rásiminen keıin týrnır jeńim­pazdary men júldegerleriniń qatysýymen Gala-shoý ótti.