Janar-jaǵarmaı baǵasy eń joǵary qalalar anyqtaldy, dep habarlaıdy Egemen.kz energyprom.kz portalyna silteme jasap.
Benzınniń eń qymbat baǵasy Qostanaı, Petropavl jáne Almaty qalasynda tirkelgen.
Keltirilgen derekter boıynsha, bıylǵy qańtar–qyrkúıek aılarynda Qazaqstanda avıabenzındi qosqanda 3,7 mln tonnadan astam benzın óndirilgen. Bul ótken jylmen salystyrǵanda 5,6%-ǵa artyq.
Motor otynynyń eksporty, kerisinshe, 2022 jylǵy qańtar–tamyzda 24 myń tonnany qurap, 4,2 ese qysqarǵan. Al ishki saýda kólemi 8,4% ósip, 3,3 mln tonnany quraǵan.
Jyldyq baǵanyń ósýi - 4% qurady. О́ńirler ishinde baǵanyń aıtarlyqtaı ósýi Soltústik Qazaqstan (5,5%), Pavlodar (5,1%) jáne Batys Qazaqstan (4,8%) oblystarynda, sondaı-aq Almaty qalasynda (4,8%-ǵa) baıqalǵan.
Baǵanyń eń az ósýi Aqmola (bir jylda 2,2%) jáne Mańǵystaý (2,6%) oblystarynda tirkelgen.
2022 jyldyń qyrkúıeginde Qazaqstanda AI-92 markaly benzınniń bir lıtriniń ortasha bólshek saýda baǵasy 179 teńgeni qurady. AI-95/96 markaly benzınniń lıtri 211 teńge, AI-98 232 teńge boldy.
Qazaqstan qalalarynyń ishinde eń qymbat AI-92 markaly benzın Petropavlda (lıtrine 184 teńge), Astanada (lıtrine 182 teńge), Jezqazǵanda (lıtrine 182 teńge) jáne Qostanaıda (lıtrine 182 teńge) satyldy.
Eń qymbat AI-95/96 benzıni Qostanaı (lıtrine 222 teńge), Petropavl (lıtrine 217 teńge) jáne Almaty (lıtrine 215 teńge) qalalarynda satyldy.
AI-98 markaly benzın Pavlodar (lıtrine 242 teńge), Qostanaı (lıtrine 238 teńge) jáne Almaty (lıtrine 235 teńge) qalalarynda qymbattady.