2014 jylǵy 25 mamyrdaǵy Ýkraına prezıdentin merziminen buryn saılaý nátıjesine qatysty Qazaqstan Respýblıkasynyń Syrtqy ister mınıstrligi málimdeme jasady, dep habarlady osy vedomstvonyń baspasóz qyzmeti.
Qazaqstanda EQYU jáne basqa da halyqaralyq uıymdar tarapynan baqylaý men el azamattarynyń erkin bildirýin qamtamasyz etken Ýkraına prezıdenti saılaýyn ótkizýdi quptaıdy. Bul daýys berý Ýkraınadaǵy ahýaldyń turaqtanýy jolynda mańyzdy qadam bolady dep esepteıdi.
Qazaqstan osy ótken saılaý jalǵasyp jatqan konstıtýsııalyq reformalar, Ýkraınadaǵy beıbitshilik pen kelisimdi nyǵaıtý sheńberinde jalpyulttyq dıalogtyń damýyna múmkindik beretinine jáne eldiń barlyq saıası kúshteri men óńirleriniń múddelerin esepke alatynyna senedi.
Biz Ýkraına halqynyń tańdaýyna qurmetpen qaraımyz jáne saıası turaqtylyqty, qoǵam birlestigin, Ýkraınanyń odan ári ekonomıkalyq jáne demokratııalyq damýyn nyǵaıtýǵa baǵyttalǵan álemdik qoǵamdastyq umtylysyn dáıekti túrde qoldap otyramyz, delingen málimdemede.