Almatyda Baızaq batyr jáne Áshimov kósheleriniń qıylysynda jappaı jol apaty boldy, dep habarlaıdy Egemen.kz.
«Qalalyq polısııa basqarmasynyń málimetinshe, 30 qazan kúni keshke Baızaq batyr kóshesimen batys baǵytta kele jatqan «Toıota» kóliginiń 34 jastaǵy júrgizýshisi jol qozǵalysy erejesin óreskel buzyp, Áshimov kóshesiniń qıylysynda kele jatqan «Lada» kóligimen soqtyǵysqan. Soqqydan Lada kóligi Opel kóligine soǵylǵan. Saldarynan alty adam zardap shekti, onyń ishinde bir bala bar. Olar aýrýhanaǵa jetkizildi», dedi Almaty qalalyq PD tergeý bóliminiń bastyǵy Oljas Sháripov.
Atalǵan isti Naýryzbaı aýdandyq ishki ister bóliminiń qyzmetkerleri óndiriske qabyldady. Tıisti saraptamalar taǵaıyndaldy.