Komıssııanyń kezekten tys otyrysy

Qazaqstan Respýblıkasynyń Memlekettik hatshysy Ádilbek Jaqsybekovtiń tóraǵalyǵymen Shetelde kadrlar daıarlaý jónindegi respýblıkalyq komıssııanyń kezekten tys otyrysy ótti, dep habarlady Prezıdenttiń baspasóz qyzmeti. Otyrysta «Bolashaq» ha­lyq­aralyq stıpendııasynyń ıegerleri úshin aǵylshyn tili boıynsha 12 aı merzim ishinde tildik daıarlyqty uıymdastyrý máselesi qaraldy. Bul rette stıpendııa ıegerleri Qazaq­stan­da 6 aı jáne «Bolashaq» baǵ­darlamasy sheńberinde sheteldik tildik mektepte 6 aı daıarlyqtan ótetin bolady. Sonymen qatar, komıssııa músheleri prezıdenttik stı­pen­­dııa sheńberinde MVA baǵdarlama­sy boıynsha mamandar daıarlaý­ǵa degen qajettilikti zerdeleý máselelerin talqylady. Komıssııa sheshimine sáıkes Ádilet mınıstrligi Sot sarap­tamasy ortalyǵynyń bir top qyzmetkeri «Bola­shaq» ha­lyq­aralyq stıpen­dııa­synyń ıe­ger­leri atanyp, Ulybrıtanııada ta­ǵylym­damadan ótetin boldy.