Jalpyulttyq sosıal-demokratııalyq partııasy atynan prezıdenttikke úmitker Nurlan Áýesbaev Respýblıkalyq saılaýaldy shtabynda qurylys uıymdarynyń jumyskerlerimen kezdesti.
Kezdesý barysynda úmitker baǵdarlamasynyń negizgi tarmaqtary jaıynda sóz qozǵady. О́z sózinde Nurlan Áýesbaev saılaýaldy baǵdarlamasynyń negizgi baǵdary adam ekendigin málimdedi. Úmitker atap ótkendeı, memleketpen jasaqtalǵan áleýmettik lıftterden búgingi kúni paıda joq. Sol sebepti áleýmettik qoldaý júıesin qurý mańyzdy.
Úmitkerdiń paıymdaýynsha, áleýmettik saıasat adamdardyń neǵurlym dáýletti sanattarǵa kóterilýine, keı jaǵdaılarda kedeılikke ushyramaýyna jaǵdaı jasaýy kerek. Sonymen qatar Nurlan Áýesbaev eńbek qaýipsizdigi máselelerine de toqtaldy. Bul salada óndiristik jaraqat pen jazataıym oqıǵalardyń deńgeıi óte joǵary. Oǵan sebep – jumys berýshilerdiń jumysshylardyń densaýlyǵynyń qaýipsizdigin qamtamasyz etý júıelerin jaqsartýǵa qarajat bólgisi kelmeıtindigi. Bul másele kandıdattyń saılaýaldy baǵdarlamasynda jan-jaqty qamtylǵan.
Úmitker jaǵdaıdy ózgertý úshin bıznes olıgarhattyń ne memlekettiń qýdalaýy men qysymynan qoryqpaı, adal jumys istep, salyq tóleı alatyndaı qoǵamdy, bıznesti jáne memleketti tepe-teńdik kúıine qaıtarý qajet ekenin aıtty. Sonda ǵana iri kompanııalar ózderiniń baılyǵy men mólsheri úshin jaýap berip, memleket bolsa, óz azamattaryna esep beredi.