Jergilikti jer komendatýrasynyń qyzmeti týraly
ÚLGI EREJE
1. Jalpy erejeler 1. Jergilikti jerdiń komendatýrasy ortalyq jáne jergilikti atqarýshy organdarmen ózara is-qımyl jasaı otyryp, tótenshe jaǵdaı engizilgen jergilikti jerde tótenshe jaǵdaı rejımin qamtamasyz etý úshin Qazaqstan Respýblıkasynyń Prezıdenti quratyn ýaqytsha arnaýly organ bolyp tabylady. 2. Jergilikti jerdiń komendatýrasy óz qyzmetin Qazaqstan Respýblıkasynyń Konstıtýsııasyna jáne zańdaryna, Qazaqstan Respýblıkasy Prezıdentiniń jáne Úkimetiniń aktilerine, ózge de normatıvtik quqyqtyq aktilerge, sondaı-aq osy Jergilikti jer komendatýrasynyń qyzmeti týraly erejege (budan ári – Ereje) sáıkes júzege asyrady. 3. Jergilikti jerdiń komendatýrasy tótenshe jaǵdaı rejımin qamtamasyz etý máseleleri boıynsha óziniń quzyreti sheginde zańnamada belgilengen tártippen barlyq jeke jáne zańdy tulǵalardyń, laýazymdy adamdardyń, jergilikti memlekettik basqarý jáne ózin-ózi basqarý organdarynyń, sondaı-aq ishki ister organdary, tabıǵı jáne tehnogendik sıpattaǵy tótenshe jaǵdaılar salasyndaǵy ýákiletti organnyń bólimsheleri, tótenshe jaǵdaı engizilgen jerde ornalasqan (dıslokasııalanǵan) jáne tótenshe jaǵdaı rejımin qamtamasyz etý úshin qosymsha jumyldyrylǵan áskerı quralymdar bastyqtarynyń (komandırleriniń) tıisti aýmaqta oryndaýy úshin mindetti jergilikti jer komendantynyń buıryqtarymen jáne ókimderimen resimdeletin sheshimder qabyldaıdy. 4. Jergilikti jerdiń komendatýrasy tótenshe jaǵdaı engizilgen jerde ornalasqan Qazaqstan Respýblıkasynyń ortalyq, jergilikti atqarýshy organdarynyń, quqyq qorǵaý, arnaýly memlekettik organdary men Qarýly Kúshteriniń ókilderinen quralady. Jergilikti jerdiń komendatýrasy apparatynyń derbes quramy men qurylymyn jergilikti jer komendanty tótenshe jaǵdaı engizý úshin negiz bolǵan mán-jaılardyń negizinde aıqyndaıdy. 5. Tótenshe jaǵdaı rejımi engizilgen jáne onyń turaqty jumys isteıtin organy ornalasqan jergilikti jerdiń nemese eldi mekenniń aýmaǵy jergilikti jer komendatýrasynyń ornalasqan jeri bolyp tanylady. 6. Jergilikti jer komendatýrasynyń qyzmetin qarjylandyrý Qazaqstan Respýblıkasynyń Úkimeti rezerviniń jáne jergilikti atqarýshy organdar rezervteriniń qarajaty esebinen júzege asyrylady, al Qazaqstan Respýblıkasynyń Prezıdenti tótenshe bıýdjetti engizgen kezde, qarjylandyrý tótenshe bıýdjet qarajaty esebinen júzege asyrylady. 2. Jergilikti jer komendatýrasynyń negizgi mindetteri, fýnksııalary, quqyqtary men mindetteri 7. Jergilikti jer komendatýrasynyń negizgi mindetteri: 1) tótenshe jaǵdaı rejımi engizilgen jergilikti jerde qoǵamdyq tártip pen qaýipsizdikti, asa mańyzdy memlekettik jáne strategııalyq obektilerdi, sondaı-aq halyqtyń tynys-tirshiligi men kóliktiń jumys isteýin qamtamasyz etetin obektilerdi kúzetýdi qamtamasyz etý; 2) uıymdar basshylarynyń óz mindetterin, komendanttyń buıryqtary men ókimderin tıisinshe oryndaýyn baqylaý; 3) tótenshe jaǵdaılarda qoldanylatyn engizilgen sharalar men ýaqyttyq shekteýlerdiń oryndalýyn baqylaý bolyp tabylady. 8. Negizgi mindetterdi oryndaý úshin jergilikti jer komendatýrasy mynadaı fýnksııalardy júzege asyrady: 1) tótenshe jaǵdaı rejımin qamtamasyz etý máseleleri boıynsha jergilikti jer komendantynyń buıryqtary men ókimderiniń jobalaryn, sondaı-aq tótenshe jaǵdaıdy engizý úshin negiz bolǵan mán-jaılardy joıý jónindegi is-sharalar josparlaryn ázirleıdi; 2) tótenshe jaǵdaı engizilgen jergilikti jerde qoǵamdyq tártip pen qoǵamdyq qaýipsizdikti qamtamasyz etýdi, sondaı-aq terrorıstik turǵydan osal obektilerdi kúzetýdi jáne qorǵaýdy uıymdastyrady; 3) baqylaý-ótkizý rejımin, azamattar men kólik quraldaryn tekserýdi jáne qarap tekserýdi, osy jerdiń turǵyndary bolyp tabylmaıtyn qoǵamdyq tártipti buzýshylardy olardyń esebinen ózderiniń turaqty bolý jerine nemese tótenshe jaǵdaı jarııalanǵan jergilikti jerden tys jerge shyǵaryp jiberýdi uıymdastyrady; 4) tótenshe jaǵdaı rejımin qamtamasyz etý boıynsha Qazaqstan Respýblıkasy Prezıdentiniń jarlyqtaryn, jergilikti jer komendantynyń buıryqtary men ókimderin halyqtyń nazaryna jetkizýdi uıymdastyrady; 5) tótenshe jaǵdaı engizilgen jergilikti jer komendatýrasynyń janynan jýrnalısterdi akkredıtteýdi uıymdastyrady; 6) tótenshe jaǵdaı rejımin buzǵan, ustalǵan adamdardy ustaý úshin arnaýly mekemelerde oryndardyń jetkiliktiligine taldaý júrgizedi; 7) komendanttyq saǵat talaptarynyń saqtalýyn qamtamasyz etedi; 8) uıymdar basshylarynyń óz mindetterin, komendanttyń buıryqtary men ókimderin oryndaýyna taldaý júrgizedi; 9) tótenshe jaǵdaı engizilgen jerde «Tótenshe jaǵdaı týraly» Qazaqstan Respýblıkasynyń Zańynda kózdelgen qosymsha sharalar men ýaqytsha shekteýlerdi qoldaný qajettiligine taldaý júrgizedi jáne osy sharalardyń oryndalýyn qamtamasyz etedi; 10) tótenshe jaǵdaı rejımin qamtamasyz etý jónindegi is-sharalardy qosymsha qarjylandyrý qajettiligine taldaý júrgizedi; 11) tótenshe jaǵdaı engizilgen jerde zańdylyqty jáne quqyqtyq tártipti qamtamasyz etýge baǵyttalǵan jedel-profılaktıkalyq is-sharalardy josparlaýdy jáne ótkizýdi júzege asyrady; 12) Qazaqstan Respýblıkasynyń zańnamasyna sáıkes ózge de fýnksııalardy júzege asyrady. 9. Jergilikti jerdiń komendatýrasy: 1) ortalyq jáne jergilikti atqarýshy organdardan, uıymdardan óz qyzmetin júzege asyrý úshin qajetti qujattar men málimetterdi suratýǵa jáne alýǵa; 2) tótenshe jaǵdaıdy engizýge negiz bolǵan mán-jaılardy joıý úshin uıymdardy tartýǵa; 3) tótenshe jaǵdaıdy engizýge negiz bolǵan mán-jaılardy joıý máselelerin sheshý úshin taldamalyq, saraptamalyq jáne basqa da qajetti jumystardy oryndaýǵa ortalyq jáne jergilikti atqarýshy organdardyń, uıymdardyń mamandaryn tartýǵa; 4) ortalyq jáne jergilikti atqarýshy organdarǵa tótenshe jaǵdaıdy engizýge negiz bolǵan mán-jaılardy joıý jónindegi mindetterdi oryndaýǵa qatysty máselelerdi qaraý týraly usynystar engizýge; 5) ishki ister organdarynyń aýmaqtyq jedel basqarý ortalyqtarynyń jáne jumyldyrylǵan quqyq qorǵaý organdarynyń kezekshi bólimderiniń quraldary men rezervterin qoldanýǵa quqyly. 10. Jergilikti jer komendatýrasynyń mindetteri: 1) «Tótenshe jaǵdaılar týraly» Qazaqstan Respýblıkasy Zańynyń 15, 16-baptarynda kózdelgen sharalar men ýaqytsha shekteýlerdi qoldanýdy qamtamasyz etý; 2) kún saıyn, tótenshe jaǵdaı rejımi engizilgen aýmaqta ornalasqan quqyq qorǵaý jáne arnaýly memlekettik organdar ókilderiniń qatysýymen olardyń qoǵamdyq tártip pen qaýipsizdiktiń tıisti deńgeıin ustaý jónindegi jumysynyń uıymdastyrylýyn taldaý, quqyq buzýshylyqtardyń aldyn alý jáne oǵan jol bermeý jónindegi uıymdastyrýshylyq-praktıkalyq sharalardy aıqyndaý; 3) narıadqa shyǵar aldynda patrýlderdiń jeke quramyna nusqamalar ótkizýdi uıymdastyrý, qyzmetkerlerdiń qajetti qarý-jaraqpen, arnaıy quraldarmen jáne baılanys quraldarymen qamtamasyz etilýin baqylaý; 4) patrýlderdiń, sondaı-aq asa mańyzdy memlekettik jáne strategııalyq obektilerdi, sondaı-aq halyqtyń tynys-tirshiligi men kóliktiń jumys isteýin qamtamasyz etetin obektilerdi kúzetýdi júzege asyratyn beketterdiń qyzmet ótkerýin tekserýdi uıymdastyrý; 5) baqylaý-ótkizý rejıminiń jaı-kúıin tekserýdi uıymdastyrý; 6) eldiń basqa óńirlerinen qosymsha kúshter men quraldardyń kelýin jáne aýystyrylýyn baqylaýdy júzege asyrý; 7) jergilikti jer komendatýrasynyń mindetterin oryndaýǵa qatysty máseleler boıynsha tótenshe jaǵdaı engizilgen aýmaqta qyzmetin júzege asyratyn jergilikti atqarýshy organdarmen ózara is-qımyl jasaýdy qoldaý; 8) tótenshe jaǵdaıdy engizýge negiz bolǵan mán-jaılardy joıý jónindegi komendanttyń buıryqtary men ókimderin oryndaý týraly uıymdar basshylaryn tyńdaý; 9) buqaralyq aqparat quraldarynyń ókilderimen baspasóz-konferensııalaryn nemese brıfıngter ótkizý; 10) tótenshe jaǵdaı rejımin ustaý jónindegi is-sharalarǵa arnalǵan qarjylyq shyǵystardy esepke alýdy júrgizý. 3. Jergilikti jer komendatýrasynyń qyzmetin uıymdastyrý 11. Jergilikti jerdiń komendatýrasyna basshylyq etýdi jergilikti jerdiń komendanty júzege asyrady, ol óziniń fýnksııalaryn júzege asyrý jáne jergilikti jerdiń komendatýrasy oǵan júktegen mindetterdi oryndaý úshin derbes jaýap beredi. Jergilikti jerdiń komendanty ókilettikterin «Tótenshe jaǵdaı týraly» Qazaqstan Respýblıkasy Zańynyń 13-babyna sáıkes júzege asyrady. 12. Jergilikti jerdiń komendantyn Qazaqstan Respýblıkasynyń Prezıdenti qyzmetke taǵaıyndaıdy jáne qyzmetten bosatady. Komendant Qazaqstan Respýblıkasynyń Prezıdentine, al Tótenshe jaǵdaı rejımin qamtamasyz etý jónindegi memlekettik komıssııa qurylǵan kezde – Qazaqstan Respýblıkasynyń Prezıdenti men Memlekettik komıssııanyń tóraǵasyna baǵynady. 13. Jergilikti jerdiń komendatýrasy qurylǵan sátinen bastap óz qyzmetin úzdiksiz jumys rejıminde júzege asyrady, onyń naqty tártibin komendant belgileıdi. Jergilikti jerdiń komendatýrasy qyzmetkerleriniń eńbek qatynastary Qazaqstan Respýblıkasynyń zańnamasyna sáıkes retteledi. 14. Jergilikti jerdiń komendatýrasy apparatynyń quramyna: 1) komendanttyń tótenshe jaǵdaı rejımin qamtamasyz etetin kúshter men quraldarǵa basshylyq jasaý jónindegi, komendanttyq saǵat rejımin qamtamasyz etý jónindegi, tyldyq jáne tehnıkalyq qamtamasyz etý jónindegi orynbasarlary; 2) komendanttyń jergilikti halyqpen jáne buqaralyq aqparat quraldarymen jumys jónindegi kómekshileri; 3) bólimsheler: shtab, hatshylyq, quqyqtyq qamtamasyz etý, aqparattyq qarsy turý, radıoelektrondyq barlaý jáne basý toptary kiredi. 15. Jergilikti jerdiń komendatýrasy apparatynyń quramy men qurylymy tótenshe jaǵdaıdy engizýge negiz bolǵan mán-jaılar negizge alyna otyryp, ózgerýi nemese qosymsha toptarmen tolyqtyrylýy múmkin.