Batys Qazaqstan oblysyndaǵy Aqsaı qalasynda «Dostyq-Drýjba» kýbogy úshin 2007-2008 jyly týǵan jastar arasynda bokstan dástúrli halyqaralyq týrnır ótti. «Qarashyǵanaq» sport keshenindegi rıngte Qazaqstan, О́zbekstan, Qyrǵyzstan jáne Belarýs sportshylary kezdesti, dep habarlaıdy Egemen.kz.
Týrnırge óz elimizden Atyraý, Aqtóbe, Mańǵystaý, Batys Qazaqstan oblystary, sondaı-aq Oral, Aqsaı jáne Astana qalalarynyń bylǵary qolǵap sheberleri qatysty.
Bıyl 24-márte ótkizilip otyrǵan bul týrnırge 18 jasqa tolmaǵan jastar ǵana qatysady. Jasóspirimder arasynda olımpıadalyq sport túrin nasıhattap, jas boksshylarǵa jańa sporttyq daǵdy qalyptastyrý, tájirıbe almasý úshin bul týrnırdiń mańyzy óte zor. Týrnırge «Báıterek» sýpermarketter jelisiniń dırektory Aıbek Omarov bas demeýshi bolǵan.
Sonymen, 4 kúnge sozylǵan dástúrli týrnırde 44 keli salmaqta – Baýbek Jaqsylyq (Atyraý oblysy), 46 kelide – Maqsat Rashıd (Atyraý oblysy), 48 kelide – Baqdáýlet Túrikmenbaı (Mańǵystaý oblysy), 50 kelide – Dáýren Tasqalıev (Aqsaı), 52 kelide - Shahbos Ergashev (О́zbekstan), 54 kelide - Bekarys Serikbaı (Aqsaı), 57 kelide - Erhan Amangeldıev (Aqtóbe), 60 kelide - Hıkmatýllo Ýlmasov (О́zbekstan), 63 kelide - Andreı Novık (Belarýs), 66 kelide - Akbar Ahmedov (О́zbekstan), 70 kelide - Kırıll Korjenevıch (Belarýs), 75 kelide - Akaman Tuıaqbaı (Atyraý oblysy), 80 kelide - Nurjan Ǵıbadatov (Aqsaı), 80 keliden joǵary salmaqta – Dıas Demenov (Oral) chempıon atandy.
Buǵan qosa atyraýlyq Álıhan Saǵyndyq – «Jeńiske degen jigeri úshin», ózbekstandyq Shahbos Ergashev – «Úzdik boksshy», qyrǵyzstandyq Amantýr Djýmaev – «Úzdik jekpe-jek tehnıkasy men taktıkasy úshin» dep atalatyn jeke nomınasııalar boıynsha marapattaldy. Týrnırdiń úzdik jattyqtyrýshysy bolyp – О́zbekstannan kelgen bapker Mýzaffar Ýsmanov tanyldy. Úzdik tórelik úshin atalymyna Qyrǵyzstannan kelgen Mırlan Jeenbaev ıe boldy.
Barlyq jeńimpazdar men júldegerler medaldarmen, dıplomdarmen, kýboktarmen jáne estelik syılyqtarmen marapattaldy.