Otyrysqa birqatar jobalar shyǵarylady

Qasym-Jomart Toqaevtyń tóraǵalyq etýimen ótken Parlament Senaty bıýrosynyń otyrysynda palatanyń 30 mamyrda bolatyn kezekti jalpy otyrysynyń kún tártibi qaraldy, dep habarlady Senattyń baspasóz qyzmeti. Prezıdenttiń usynýyna sáıkes, senatorlar Qazaqstan Respýb­lıkasy Joǵarǵy So­tynyń sýdıalaryn qyzmetten bosatý jáne saılaý týraly máselelerdi qaraıdy. Bıý­ro Konstıtýsııalyq zań­nama, sot júıesi jáne qu­qyq qorǵaý organdary komı­tetine Memleket basshysy usynǵan kandıdattardy tal­qylaýdy jáne olar boıynsha qorytyndy ázirleýdi tap­syrdy. Senat otyrysyna Qyl­mystyq, Qylmystyq-pro­sestik jáne Qylmystyq atqarý kodeksteriniń jobalary birinshi oqylymda qaraýǵa shyǵarylady. Sonymen qatar, birqatar zańnamalyq ak­ti­lerge qylmystyq zańnamany jetildirý máseleleri boıyn­sha túzetýler jáne keıbir Kons­tı­týsııalyq zańdarǵa qyl­mystyq-prosestik zań­namany jetildirý máseleleri boıynsha túzetýler jobasy qaralatyn bolady. Odan basqa, joǵarǵy palatanyń otyrysyna birqatar zańna­malyq aktilerge etıl spırti men alkogol óniminiń óndi­rilýin jáne aınalymyn mem­lekettik retteý má­se­leleri boıynsha ózgerister men tolyqtyrýlar engizý týraly zań jobalary birinshi oqylymǵa shyǵarylatyn boldy. Bıýro otyrysynda tıisti komıtetterge Májilisten túsken zań jobalary bólinip berildi.