Yqylas bar, endi nátıje kerek

Memleket basshysy Nursultan Nazarbaev Albanııa Respýblıkasynyń Premer-mınıstri Edı Ramamen kezdesti, dep habarlady Prezıdenttiń baspasóz qyzmeti. Kezdesý barysynda saý­da-eko­nomıkalyq, ınvestı­sııa­lyq jáne mádenı-gýmanı­tarlyq saladaǵy ekijaqty yntymaqtastyqty jandandyrýdyń negizgi jaıttary talqylandy. Budan bólek, taraptar halyqaralyq kún tártibindegi ózekti máselelerdi qozǵady. Nursultan Nazarbaev Qa­zaq­stannyń Albanııamen qarym-qa­tynasty jolǵa qoıýǵa degen úlken yqylasy bar ekenin atap ótti. – Jalpy alǵanda, bizdiń el úshin Eýropa iri ekonomıkalyq se­riktes bolyp sanalady, alaıda, Albanııamen aramyzda aıtarlyqtaı qarym-qatynas joq. О́kinishke qaraı, elderimiz ara­synda ekonomıkalyq yntymaq­tastyqqa negiz bolatyn qujattarǵa qol qoıylmaǵan. Sizdiń kelýińiz osy baǵyttaǵy kelissózderdi bastap beredi dep úmittenemin. Ekonomıkalyq yntymaqtastyq, ınvestısııany ózara qorǵaý, qosarlanǵan salyq salýdy boldyrmaý, vızalyq rejim týraly kelisimderge qol qoıý qajet. Bul bizdiń kompanııalarymyzdyń birlesip jumys júrgizýine negiz qalaıdy, – dedi Memleket basshysy. О́z kezeginde Edı Rama qa­byl­daý úshin alǵysyn bildirdi jáne Qazaqstan týraly óziniń jaqsy habardar ekenin aıtty. Sondaı-aq, ol elderimizdiń arasynda má­denı salada ortaq jaıttardyń kóp ekenine nazar aýdardy. Albanııa Premer-mınıstri áleýetimizdi eskere otyryp, saýda-ekonomıka salasyndaǵy ózara is-qımyldy ári qaraı damytý qajettigi týraly pikirmen ke­li­se­tinin bildirdi. Túrli halyqaralyq qurylymdar aıasynda tıimdi yn­ty­maqtastyq ornatýdyń mańyz­dylyǵyn da atap ótti.