Jýyrda Astana qalasy Jastar saıasaty máseleleri basqarmasy «Astana jastary» jastar resýrstyq ortalyǵymen birlese otyryp turaqty uıymdastyrýshysy «Qazaqstandaǵy Tel-Avıv ýnıversıtetiniń dostar qaýymdastyǵy» zańdy tulǵalar birlestigi bolyp kele jatqan «TOM: Astana» áleýmettik jobasy boıynsha PreTOM meıkatonynyń birinshi kezeńin ótkizdi.
Qazaqstannyń ár qalasynan 10 komanda qatysyp, qoldanysqa beıimdi túpúlgiler arnalyp jasalatyn múmkindigi shekteýli adamdarmen tanysty. Jobaǵa qatysýshylar múmkindigi shekteýli adamdarmen birge ekinshi kezeńde júzege asyrýǵa týra keletin jobalary men ıdeıalarynyń alǵashqy nobaılaryn jasady. Atap aıtqanda, júgirýge arnalǵan tizeden joǵary aıaq protezi; mehanıkalyq múgedekter arbasyna arnalǵan elektr tirkemesi; sledj hokkeı jattyǵýlaryna arnalǵan shanalar; qashyqtyqta bógeýlerdi anyqtap belgi beretin, keńistikte kózi kórmeıtinderdi baǵdarlaıtyn qurylǵy; qysqy merzimde jyljýǵa arnalǵan múgedekter arbasynyń dóńgelekterin beıimdeýge múmkindik beretin kómekshi quraldar jáne t.b. Birinshi kezeńnen soń komandalar bir aı boıy shyǵys materıaldaryn satyp alýǵa arnalǵan tizimdi jasaýmen aınalyssa, meıkatonnyń ekinshi kezeńinde komandalar ózderiniń túpúlgilerin quryp, jasaýǵa kirisedi. Sondaı-aq qazylar alqasy aldynda tanystyrady.