Alǵashqy qarsylas anyqtaldy

Buǵan deıin jazǵanymyzdaı, bokstan Azııa chempıonaty jospar boıynsha 2023 jyly О́zbekstan astanasy – Tashkentte ótkizilýge tıis edi. Alaıda bıyl Qytaıda ótedi dep josparlanǵan jazǵy Azııa oıyndary kelesi jylǵa aýystyrylǵandyqtan, Azııa boks konfederasııasynyń basshy­lyǵy jarys kúntizbesine ózgeris engizip, Azııa chempıonatyn bir jyl erte ótkizýge sheshim qabyldaǵan bolatyn.

Azııa chempıonaty bastalardan bir kún buryn Ammanda boksshylardyń jere­besi tartyldy. Bir aıta keterligi, Qaı­rat Sətjanov jattyqtyratyn Qazaq­stan erler quramasynyń jeti boksshysy Azııa boks konfederasııasynyń (ASBC) reıtınginde úzdikter qatarynda turǵan­dyqtan, jarysty shırek fınaldan bastaıtyn boldy. Sondaı-aq týrnırdi ekinshi aınalymnan bastaıtyn úsh boksshymyz keshe alǵashqy jekpe-jekterin ótkizdi.

Sonymen, jerebe nátıjesine súıene otyryp, bıylǵy Azııa chempıonatyndaǵy boksshylarymyzdyń alǵashqy qarsylas­tary kimder jáne bas júlde jolynda kimdermen judyryqtasýy múmkin ekenin saraptap kóreıik.

Asa jeńil salmaqta (48 kılo) judyryq­tasatyn otandasymyz Sanjar Táshkenbaı 4 qarasha kúni alǵashqy aınalymda ózbekstandyq Asylbek Jalılovpen qol­ǵap túıistiredi. О́zbek boksshysy byl­tyr 22 jasqa deıingiler arasyndaǵy Azııa chempıonatynda óner kórsetip, bas júldeni jeńip alǵan. Al 2021 jyly Pol­shada ótken jastar arasyndaǵy álem chempıonatynda top jarǵan 19 jas­taǵy jerlesimiz bıyl alǵash ret eresekter arasyndaǵy Azııa chempıonatyna qatysyp jatyr. Onyń Azııadaǵy basty qarsylasy – japonııalyq Kadzýma Ara­take. S.Táshkenbaıdyń joly reıtıngte birinshi turǵan japon boksshysymen tek fınalda ǵana qıysady. Jerlesimiz kelesi aınalymǵa shyǵyp jatsa, Azııanyń ekinshi nómirli bylǵary qolǵap sheberi qyrǵyzstandyq Mırlan Túrikbaıulymen kezdesedi.

51 kılo salmaqtaǵy álem chempıony, Tokıo Olımpıadasynyń qola júldegeri Sáken Bıbosynov alǵashqy aınalymda bos bolǵanymen, jarysty ekinshi kezeńnen bas­tady. Ol keshe shırek fınal joldamasyn úndistandyq Kýmar Sparshpen sarapqa saldy. Bul salmaqtaǵy Sákenniń basty qarsylasy – ózbekstandyq Hasanboı Dýsmatov ta jarysty ekinshi kezeńnen bastady. Jerebege sáıkes, eki boksshy bir-birimen tek fınalda ǵana kezdesedi.

Taǵy bir aıta keterligi, kezinde ult­tyq qurama sapynda judyryqtasyp, halyq­aralyq jáne elishilik jarystarda júl­deger atanǵan Azat Mahmetov bul kún­deri Bahreın quramasynyń namysyn qorǵap júr. Jerebe qorytyndysy boıynsha, eki qazaq boksshysynyń joly shırek fınalda qıysýy múmkin.

Sondaı-aq 57 kılodaǵy álem chem­pıo­natynyń kúmis júldegeri, jastar ara­syndaǵy Azııa chempıony Serik Temir­janov keshe ekinshi aınalymda Túrik­menstan ókili Ihlas Gylychjanovpen judyryqtasty. Seriktiń fınalǵa deıin alqynbaı jetýine tolyq múmkindigi bar. О́ıtkeni kil myqtylar jerebeniń ekinshi bóliginde toptasqan.

Jastar arasyndaǵy Azııa chempıony, eresekter dodasynyń qola júldegeri Sanatáli Tóltaev ta (63,5 kılo) keshe ózbek­standyq Rýslan Abdýllaevpen kez­desti. R.Abdýllaev – О́zbekstanda týǵan qan­dasymyz. Ol byltyr óz salmaǵynda О́zbekstan chempıony boldy. Sondaı-aq 22 jasqa deıingiler arasyndaǵy Azııa chempıo­natynda top jaryp, jarystyń eń úzdik boksshysy atanǵan. Qazirgi tańda boks mamandary Abdýllaevtyń bola­shaǵyna zor senimmen qarap otyr.

Álem chempıonatynyń úsh dúrkin qola júldegeri Abylaıhan Júsipov ult­tyq quramadan ketken soń onyń ornyn 67 kıloda Jambyl oblysynyń ókili Dýlat Bekbaýov basty. Bul boksshynyń jeke bapkeri Olımpıada chempıony Baq­tııar Artaevtyń ustazy – Nurlan Aqúr­pekov. Byltyr el chempıony atanǵan Bek­baýov erteń Azııa chempıonatynyń ekin­shi aınalymynda jastar arasyndaǵy Azııa birinshiliginiń kúmis júldegeri túrik­menstandyq Saparmýrat Odaevpen kezdesedi. Jerlesimizdi shırek fınal­da Azııanyń jáne О́zbekstannyń birinshi nómirli boksshysy Asadhýja Mýı­dın­hýjaev kútip tur.

71 kıloda óner kórsetetin Aslan­bek Shymbergenov ekinshi aınalymda (4 qa­­ra­sha) Fılıppın ókili Pıanar Mar­jon­men qolǵap túıistiredi. Shymbergenov jartylaı fınalǵa deıin О́zbekstan, Moń­ǵolııa, Úndistan jáne Taıland boksshylarymen jolyǵýy múmkin.

Al qalǵan jeti salmaqtaǵy boksshylarymyz jarysty birden shırek fınaldan, ıaǵnı 6-7 qarasha kúnderi bastaıdy. Atap aıtqanda, 54 kılodaǵy álem chempıo­natynyń kúmis júldegeri Mahmud Sabyr­han jartylaı fınal joldamasyn Chojan Fanývat (Taıland) nemese Ganbold Dorj­nıam­býýmen (Mońǵolııa) sarapqa salady.

60 kılo salmaqtaǵy Samatáli Tóltaev ¼ fınalda Mırzohıd Imamnazarov (Qyr­ǵyzstan)/Shýkýr Ovezov (Túrikmenstan), Nurqanat Raıys (75 kılo) Sagyn Saty­baldyuly (Qyrǵyzstan)/Kan Cheı Veı (Taıbeı), Nurbek Oralbaı (80 kılo) Anvar Nasredınov (Kambodja)/Jong­joho Vırapon (Taıland) jubynyń jeńim­pazdarymen judyryqtasady. Úsh bylǵary qolǵap sheberimizdiń de joldary jartylaı fınalǵa deıin ashyq. О́zbekstan, Mońǵolııa sekildi elderdiń boksshylarymen tek fınalda ǵana jolyǵady.

86 kılo salmaqta judyryqtasatyn Saǵyndyq Toǵanbaıǵa Tájikstannyń tájirı­beli boksshy Navrýz Djafoev qarsy­las atandy. Ol – 2013 jyly dál osy Amman qalasynda ótken Azııa chempıo­natynyń jartylaı fınalynda jerlesimiz Jánibek Álimhanulymen sharshy alańda kezdesip, jeńilip qalǵan bolatyn. Bul jolǵy básekede de qazaq boksshynyń mereıi ústem bolady degen úmittemiz. S.Toǵanbaı jartylaı fınalda byltyr álem chempıonatynyń birinshi aınalymynda belgııalyq Vıktor Shelstreden nokaýtpen masqara bolyp jeńilgen ózbekstandyq Shohdjahon Abdýllaevpen, fınalda Azııa chempıonatynyń eki dúr­kin qola júldegeri, Azııanyń birinshi nómirli boksshysy qyrǵyzstandyq Erkin Adylbekulymen judyryqtasýy múmkin.

Aýyr salmaqta (92 kg) jastar ara­syndaǵy Olımpıada jeńimpazy, Qazaqstan chempıony Aıbek Oralbaı shırek fınalda Úndistan ókili Navın Kýmarmen qolǵap túıis­tiredi. Eresekter dodasyna byltyr ǵana aýysqan úndistandyq bylǵary qol­ǵap sheberi osal qarsylas bolmaýy bek múmkin.

Azııanyń úshinshi nómirli boksshysy retinde tirkelgen Aıbek jartylaı fınalda ırandyq Týfan Sharıf, fınalda О́zbekstan quramasynyń namysyn qorǵaıtyn taǵy bir qazaq boksshysy – Madııar Saıdrahımovpen bas júldeni sarapqa salýy yqtımal. Eki boksshy byltyr Serbııadaǵy álem chempıonatynyń shırek fınalynda kezdesip, Madııar upaı sanymen jeńiske jetken bolatyn. Bálkim, bul joly Aıbek ese qaıtaryp qalar.

Asa aýyr salmaqta (+92 kg) Tokıo Olımpıadasynyń qola júldegeri, əlem birinshiliginiń fınalısi Qamshybek Qoń­qabaev shırek fınalda Vıshah Mohannad (Palestına) pen Do Hen Kım (Ońtústik Koreıa) jubynyń jeńimpazymen judy­ryqtasady. Al fınalda ózbek Lazızbek Mýllo­jonov nemese úndistandyq Naren­dermen kezdesedi.

Al áıelder arasyndaǵy jerebege toqtalar bolsaq, Azııa chempıonaty bas­talmaı jatyp, Shámil Safıýllın jattyq­tyratyn qyzdar quramasy el qorjynyna úsh júlde salyp úlgerdi. Iаǵnı óz salmaqtarynda birinshilikke qaty­satyn boksshylardyń sany az bol­ǵandyqtan, Mádına Nurshaeva (66 kılo), Gúlsaıa Erjan (81 kılo) jáne Ləzzat Kún­geıbaeva (+81 kılo) jarysty jartylaı fınaldan bastaıdy. Bul – atalǵan úsh boksshymyz kem degende qola júldege qol jetkizip otyr degen sóz. Joǵaryda aty atalǵan boksshylarymyz qolda turǵan qolasyn az kúnde altynǵa aınaldyrady degen úmittemiz. Al olardyń alǵashqy aı­na­lymdaǵy qarsylastary kimder?

12 salmaqta synǵa túsetin qyzda­ry­myzdyń segizi Azııa chempıonatyn shırek fınaldan, úsheýi jartylaı fınaldan bas­taıtyn boldy. Tek álem chempıonatynyń eki dúrkin jeńimpazy, byltyrǵy Azııa birinshiliginiń altyn júlde ıegeri Nazym Qyzaıbaı ǵana 1/8 fınalda synǵa túsedi. Ol ekinshi kezeńde Taıland ókili Raksat Chýtamatpen judyryqtasady. Al shırek fınalda sharshy alańǵa kóteriletin jeńil salmaqtaǵy Alýa Balqybekovanyń (48 kılo) qarsylasy keıinirek belgili bolatyn bolsa, Jazıra Oraqbaeva (52 kılo) koreıalyq Chavon Kımmen, Jaına Shekerbekova (54 kılo) japonııalyq Hana Narıtamen, Karına Ibragımova (57 kılo) koreıalyq Im Aejımen, Rımma Volo­senko (60 kılo) mońǵolııalyq Nomın-Erden Týgsjargalmen, Aıda Ábikeeva (63 kılo) japonııalyq Maı Kıtomen, Darıǵa Shákimova (70 kılo) úndistandyq Pýjamen jáne Valentına Halzova (75 kılo) taǵy bir úndistandyq Lovlına Borgoıanmen kezdesedi.

Al jartylaı fınaldaǵy Mádına Nurshaeva koreıalyq Choı Hongýmen, Gúl­saıa Erjan vetnamdyq Tı Hong Ngýen­men jáne Lázzat Kúngeıbaeva úndistandyq Alfııa Taranným Akrammen fınaldyq joldamany sarapqa salady.

О́kinishke qaraı, Azııa birinshiligindegi boksshylarymyzdyń jekpe-jekterin qazaqstandyq jankúıerler telearnalar­dan kóre almaıtyn boldy. «Atalǵan ja­rys­ty Qazsport telearnasy kórermen nazaryna usynýdy josparlaǵanymen, Azııa boks konfederasııasy men jergilikti uıym­dastyrýshylar televızııalyq túsi­ri­lim jasamaıtyndyqtan, Azııa chempıonatyn kór­sete almaımyz», delingen Qazsport telearnasynyń habarlamasynda.