Sabaq berýdegi jańa sapa

Qazir mektep baǵdar­la­ma­sy­men shektelýge áste bolmaıtynyn álem­dik tájirıbe kórsetip otyr. Bilim berý úderisinde ǵylymnyń sońǵy ja­ńa­lyqtaryn keńinen paı­­dalaný, sol arqyly jas zııat­ker­lerdiń yntasyn oıatý ozyq oıly pedagogterge zor jaýap­ker­shi­lik júkteıdi. Elimizde muǵa­lim­der men oqýshylarǵa arnalǵan «Qy­zyq­ty ǵylym» jobasynyń aýqy­my keńeıip keledi. Sonyń biri Almaty qalasyndaǵy «О́r­leý» bilik­tilikti arttyrý ult­­tyq orta­ly­ǵynda jalǵasyn tap­ty.

Almaty qalasynyń bilikti muǵalimderin bir alańda jınaǵan arnaýly semınarda 134 jyldyq tarıhy bar, geografııa, jaratylystaný ǵylymdarynan bastap, ǵaryshty ıgerýge deıingi salalarda kópjyldyq halyqaralyq ǵylymı-zertteýler men foto-beıne derekterdiń baı qoryn qa­lyp­­tas­tyrǵan National Geog­raphic jýr­nalynyń re­sýrs­­ta­­ryn tıimdi qoldaný ádis­teri ta­nys­tyryldy. Tyń basta­ma­nyń tıimdiligin qa­tysqan mu­ǵa­limder de atap kór­setýde. Al­maty qalasyndaǵy №41 jalpy orta mektebiniń bıologııa páninen sabaq beretin Záýre О́skenbaı semınar barysynda mol maǵlumat ala otyryp, balalardy jaratylystaný ǵylymyna qyzyqtyrýdyń tyń tetikterin ıgergenin aıtady.

«Geografııa men bıologııa páni muǵalimderine arnaıy ótkizil­gen semınar barysynda bizdiń sala­myzǵa tikeleı qatysy bar, álem­dik deńgeıdegi National Geographic jýrnalynyń ǵylymı-tanymdyq onlaın resýrstarymen tanysyp, olardy sabaq barysynda qalaı tıimdi qoldanýǵa bolatynyn bildik. Bıologııa páni bo­ıynsha oqýshylardy olımpıadaǵa qalaı daıyndaý qajettigi jónin­de baǵyt-baǵdar aldym. О́z basym, pán muǵalimi retinde jýrnaldy sabaqta qoldaný arqyly oqý­shy­nyń ǵylymǵa degen kózqara­syn ózger­tip, qyzyqtyrýǵa bola­ty­­­ny­na kóz jetkizdim», deıdi Z.О́skenbaı.

Jýrnal avtorlary mektep muǵa­limderine arnaıy taqyryp­tyq semınarlar ótkizý arqyly álemdik ǵylymı-resýrstardy sabaq barysynda qalaı qoldanyp, oqýshylardy qalaı qyzyqtyrýǵa bola­tynyn, bul baǵyttaǵy tá­jirı­beni talapkerlerdiń ǵyly­mı jobalaryna durys paıdalaný tetikterin jan-jaqty túsindirip keledi. О́ıtkeni bul resýrstardaǵy eńbekterdiń bári ǵylymı turǵydan rastalyp, dá­lel­dengen, avtorlyq quqyǵy qor­ǵalǵan zııatkerlik menshik nysany. Al ǵylymnyń álippesi ózińe deıingilerdiń eńbegin oqyp-bilip, keregińe jaratýdan bastalatyny belgili.

– Ǵylymı saýatty adam ǵy­lym­dy «sheksiz shekara» retin­de tanıdy. Jahandyq ekonomı­kaǵa negizinen ǵylym men tehno­lo­gııa­nyń jetistikteri áser etetinin moıyndaıdy. Dáleldi nasıhattan, derekti kórkem ádebıetten, maǵynany bos sózden, bilimdi pikirden ajyrata alady. Sabaq barysynda jýrnaldyń materıaldaryn mátin túrinde ıakı beıne túrinde paıdalana otyryp ustazdar talapkerlerdiń qyzyǵýshylyǵyn arttyra alady. Muǵalimderdi jýrnalymyzdyń bilim salasyndaǵy tegin onlaın platformasymen tanystyra otyryp, materıaldardy sabaq barysynda qalaı qoldanýǵa bolatyny jaıly baǵdar berdik. Aldaǵy ýaqytta oqýshylar aýdı­to­rııasyn qamtýdy da kózdep otyr­myz, – deıdi «National Geographic» jýrnalynyń ókili Qanat Nuralyuly.

Memleket basshysy Qasym-Jomart Toqaevtyń tapsyrmasymen júzege asyrylyp jatqan «Oqýǵa qushtar mektep» bastamasyn qoldaý maqsatynda júzege asyrylǵan jobany «Shevron» kompanııasynyń qoldaýymen «Kazmedia Holding» júzege asyrýda. Alyp kompanııanyń atsalysýymen jyl sońyna deıin Batys Qazaqstan oblysynyń jáne Astana, Almaty qala­la­rynyń mektepterine jýrnal toptamalary tegin tapsyrylady.

«Geografııa, bıologııa, fızıka, hımııa, jaratylystaný pánderiniń muǵalimderi úshin bul jobanyń múmkindikteri mol. Olar tek oqý quraldaryndaǵy maǵlu­mat­tarmen shektelmeı, tanymdyq izdenisterden týǵan maqalalar men zertteý jumys­taryn qalaǵan tilinde paıda­lana alady. Keıbir aýdıtorııada jasaýǵa bolmaıtyn laboratorııalyq jumystardy vırtýaldy iske asyrýdyń ońtaı­ly joldaryn da mamandar kór­­setip berip otyr. Álemde qan­daı ózgerister bolyp jatyr, ­ol jańalyqtardy óz pánine mu­ǵa­limder qalaı engize alady, sonyń bári kezdesý barysynda qamtyldy», deıdi «О́rleý» BAUO» AQ fılıaly Almaty qalasy boıynsha Kásibı damý ıns­tıtýty dırektorynyń orynbasary Qaısar Nurlybaev.

Jýrnaldyń túrli tústi boıaýǵa qanyq tańǵajaıyp fotosýretteri men qyzyqty maqalalary oqyr­man­darǵa úıden shyqpaı-aq, aptap ystyq Afrıkadan, soltústiktegi muz basqan Arktıkaǵa deıin qaı­­talanbas sapar syılaıdy. Adamzat órkenıetiniń ózekti má­se­lelerinen bastap kóne ta­rı­hyna deıin barlap, tumsa tabıǵat, geografııa, arheologııa, tarıh, bıologııa, astronomııa sekildi ǵylym salalaryn keńinen qamtyǵan basylym el muǵalimderin sabaq berýdegi zamanaýı resýrstarmen tanystyrý isin jalǵastyra bermek.

ALMATY