Sáken men Seriktiń senimdi jeńisi

Qazaq boksshylary arasynda Azııa chempıonatynyń shymyldyǵyn 57 kılo sal­maq­taǵy álem chempıonatynyń kúmis júldegeri (2021), jastar arasyndaǵy Azııa chempıony Serik Temirjanov ashyp berdi. Túrikmenstannyń úkilep qosqan úmiti Ihlas Gylychjanovpen sharshy alańda joly túıisken jer­lesimiz qarsylasyn úsh raýnd­ta da bet qaratpaı jeńdi. Bes tóreshi jeńisti biraýyzdan qazaq boksshysyna berdi – 5:0. Alǵashqy aınalymda Abýkýzaıl Týrkıden (Kýveıt) ba­sym túsken Ihlas ekinshi jek­­pe-jeginde jerlesimizge qar­sy esh aıla-tásil qoldana almady.

Endi S.Temirjanov shırek fınalda jarys qojaıyny Iýsef Iashashpen kúsh synas­paq. Iordanııalyq boks­shy chem­­pıonattyń ekinshi aı­na­lymynda 2014 jylǵy Azııa oıyndarynyń qola júl­degeri fı­lıppındik Marıo Fer­nan­desti tóreshilerdiń aralas she­shimimen tize búktirgen bolatyn. Bul kezdesý 6 qarashaǵa josparlanǵan.

Qazaqstandyqtardan rıngke ekinshi bolyp 2019 jyly Taılandta uıymdas­tyrylǵan Azııa chempıonatynyń qola júl­­degeri Sanatáli Tóltaev (63,5 kılo) shyqty. Jarysty bi­rinshi aınalym­nan bastaǵan Rýslan Abdýllaev alǵashqy ke­zeńde japo­nııalyq Shýnsýke Kıtamotomen judy­ryqtasyp, 5:0 esebimen aıqyn jeńiske jetse, 1/8 fınalda da dál sondaı eseppen jerlesimizden aı­lasyn asyrdy. Jekpe-jek­tiń birinshi raýndynda eki boksshy da teń dárejede ju­dyryqtasqanymen, bes tóre­shiniń úsheýi jeńisti Abdýl­laevqa berse, ekeýi Tóltaev jeńdi dep eseptedi. Degenmen, ekinshi jáne úshinshi raýndtarda otandasymyzdyń osal tusyn taýyp, qarqynyn arttyrǵan Rýslan chempıo­nattaǵy ekinshi jeńisine qol jetkizdi. Osy­laısha, Ammanǵa 13 salmaq­ta barǵan ulttyq qurama boks­shylarynyń bireýi jarys jolynan shyǵyp qaldy. Al osy chempıonatta Qazaqstannyń basty qarsylasy sanalatyn О́zbekstan Azııa birinshiligin tolyq quramda jalǵastyryp jatyr.

Al keshki sessııada jarys jolyna shyqqan To­kıo Olım­pıadasynyń qola júl­degeri, álem chempıony Səken Bı­bosynov jankúıerlerin qýant­ty. Otandasymyz úndis­tandyq Kýmar Sparshty 4:1 ese­bimen jeńgenimen, alǵashqy raýndtarda kó­rer­menderdi biraz alań­datyp qoıdy. Sebebi birin­shi raýnd­ta tóreshiler 2:3 esebi­men jeńisti Kýmarǵa berdi. Úzi­liste bapkerlerdiń ke­rekti aqyl-keńesin tyńdap shyqqan Sá­ken ekinshi raýndta qar­syla­syn buryshtan bu­ryshqa tyq­­syryp, úndi boks­shysyn ábden soqqynyń astyna aldy. Boıy men qolynyń uzyn­dy­ǵyn durys paıdalanyp, alys­tan júrip urys salǵan Sá­ken keıingi eki raýndta aı­qyn basymdyq tanytyp, qar­sy­lasynan jeńisti julyp aldy. Jer­lesimiz 5 qara­sha kúni shırek fı­nal­dyq jekpe-jekte ma­laızııa­lyq Kaııým Arıf­fınmen judy­ryqtasady.

 Sondaı-aq dál osy salmaqta Bahreın quramasynyń namysyn qorǵaıtyn qazaq­stan­dyq boksshy Azat Mah­metov ta sharshy alańǵa shyqty. О́ki­­nishke qaraı, Azat ózi­niń al­ǵashqy kezdesýinde byl­tyr­ǵy álem chempıonatynda 54 kılo salmaqta top jarǵan ja­po­­nııalyq Tomoe Sýboıdan je­ńilip qaldy. Japonııa boks­shysy osymen eki jyldyń ishinde eki qazaq boksshysyn tize búktirip otyr. Serbııadaǵy álem chempıonatynyń fınalynda ol Sabyrhan Mahmudty jeńip, altynnan alqa taqqan bolatyn. Tomoe bıylǵy Azııa birinshiliginde 51 kılo salmaqta óner kórsetip jatqandyqtan, Sabyrhanmen joly túıispeıdi. Esesine, Sáken Bıbo­synovpen sharshy alańda kezdesýi yq­tımal.

Keshe qyzdar quramasynyń ókili, əlemniń eki dúrkin chem­pıo­ny Nazym Qyzaıbaı Taı­land boksshysy Raksat Chýta­matpen qolǵap túıistirdi.

Qazaqstandyq boks jan­kúıerleri búgin asa jeńil sal­maqta (48 kılo) judyryq­ta­satyn otandasymyz Sanjar Táshkenbaı, 67 kılodaǵy Dý­lat Bekbaýov jáne 71 kılo­da óner kórsetetin Aslan­bek Shymbergenovtiń jek­pe-jek­terin tamashalaı al­ady. S.Tásh­­kenbaı ekinshi aı­na­lym­­da ózbekstandyq Asyl­bek Ja­lılovpen kezdes­se, D.Bekbaýov Azııanyń jáne О́zbek­stannyń birinshi nómir­li boks­shysy Asadhýja Mýı­dın­hý­jaevpen sheberlik baıqasady. Al As­lan­bek Shymbergenov Fı­­lıppın ókili Pıanar Mar­jon­men sharshy alańǵa shyǵady.