Tennısten Qazaqstan áıelder quramasy álem chempıonatyna daıyndalýda, dep habarlaıdy Egemen.kz QTF baspasóz qyzmetine silteme jasap.
Qazaqstandyqtar Shotlandııanyń Glazgo qalasynda S tobynda Ulybrıtanııa jáne Ispanııa komandalarymen básekege túsedi.
Matchtar 8 200 kórermen sııatyn Emirates Arena stadıonynyń hard tóseninishindegi kortynda ótedi.
Qazaqstan áıelder jáne erler quramalarynyń kapıtandary Iаroslava Shvedova men Iýrıı Shýkın, sparrıng-seriktes Tımýr Habıbýllın men dene daıyndyǵyna jaýap beretin Tatıana Hadjımýradova, sondaı-aq tennısshiler Iýlııa Pýtınseva men Jibek Qulambaeva Glazgoǵa kelip, ázirlikti bastap ketti. Kortty Iýlııa men Jibek baıqap kórdi. Komandaǵa kóp uzamaı Elena Rybakına, 7 qarasha kúni Anna Danılına qosylady.
«El namysyn qorǵaý úlken jaýapkershilikti talap etedi. Aýa raıy men kortqa beıimdelý úshin erterek keldik. Álem chempıonatynda osal qarsylas joq. Ulybrıtanııa men Ispanııa oıynshylarynyń tájirıbesi mol, jastary da bar. Olarmen ázirge týrnırlerde jolyǵa qoıǵanym joq. Árıne, tolqý da joq emes, bul – meniń ulttyq qurama úshin ekinshi ret oınaýym. Degenmen Iаroslava Shvedova bastaǵan komandamyz baryn salatyny anyq», dedi Jibek Qulambaeva.
Túrli jarystarda ulybrıtanııalyq tennısshilermen toqaılasyp, utyp kórgen Iýlııa Pýtınseva matchtyń ońaıǵa túspeıtinin jetkizdi.
«Ulybrıtanııalyqtardyń óz kortynda aıanbaıtyny anyq. Qazirgi quramnan Dartpen úsh ret kezdesip, bárinde de jeńdim. Ýotsonmen úsh básekeniń ekeýinde basym tústim. Býltermen eki ret kortqa shyǵyp, uttym. Tek juptyq syndaǵy Barnet jáne Nıkolspen oınap kórmeppin», dedi Iýlııa Pýtınseva.
Bıllı Djın Kıng kýbogynyń fınaldyq kezeńine tórt topqa bólingen 12 qurama qatysady. Top jeńimpazdary jartylaı fınalǵa joldama alady.
S tobyndaǵy matchtar kestesi mynadaı (Glazgodaǵy ýaqyt Astana qalasynan 6 saǵatqa qalys):
8 qarasha, Qazaqstan – Ulybrıtanııa.
9 qarasha, Ispanııa – Qazaqstan.
10 qarasha, Ispanııa – Ulybrıtanııa.
Oıyndar elorda ýaqytymen saǵat 22.00-den keıin bastalady.