Qazaqstanda adam saýdasyna baılanysty quqyq buzýshylyq sany bir jylda 37% azaıǵan, dep habarlaıdy Egemen.kz ranking.kz portalyna silteme jasap.
Bıyl qańtar–qyrkúıek aılarynda elimizde adam saýdasyna qatysty 81 quqyq buzýshylyq tirkelgen, bul byltyrǵymen salystyrǵanda 37,2% az.
Qylmystyń basym bóligi jezókshelik aınalysý úshin prıtondardy uıymdastyrý nemese ustaý jáne jeńgetaılyqqa qatysty: 44 is, bir jyl buryn 75 is bolǵan (mınýs 41,3%).
Taǵy 11 is adam saýdasyna, 9 is kámeletke tolmaǵandardy satýǵa, 8 is kámeletke tolmaǵandardy jezókshelikpen aınalysýǵa tartýǵa, 6 is jezókshelikpen aınalysýǵa, 3 is qanaý maqsatynda zańsyz bas bostandyǵynan aıyrýǵa qatysty bolǵan.
О́ńirler boıynsha adam saýdasyna qatysty quqyq buzýshylyqtar kóbine Shymkent qalasynda tirkelgen. Jalpy sany 17 quqyq buzýshylyq, byltyrǵydan 2,1 ese kóp.
Odan keıin Astana (13 quqyq buzýshylyq, 18,2% kóbeıgen) men Almaty (12 quqyq buzýshylyq, 40% azaıǵan). Sosyn Qostanaı (7 quqyq buzýshylyq, 40% kóbeıgen) men Qaraǵandy (5 quqyq buzýshylyq, 28,6% azaıǵan) oblystary.
Ulytaý jáne Aqtóbe oblystarynda birde-bir quqyq buzýshylyq tirkelmegen.
Naqty jeke tulǵalar zardap shekken quqyq buzýshylyqtarǵa kelsek, QR-da adam saýdasynnyń 9, kámeletke tolmaǵandardy jezókshelikpen aınalysýǵa tartýdyń 8, jezókshelikpen aınalysýǵa arnalǵan prıtondar uıymdastyrý nemese ustaýdyń 6, kámeletke tolmaǵandardy satýdyń 5, jezókshelikpen aınalysýǵa tartýdyń 4 jaǵdaıy tirkelgen.
QR-da adam saýdasyna qarsy kúres týraly zań jobasy talqylanýda, dep habarlady QR IIM.
Jumys toby zań jobasynda paıdalanylǵan negizgi uǵymdardy, zań jobasynyń qoldanylý aıasyn, qaǵıdattaryn, maqsattary men mindetterin, adam saýdasyna qarsy is-qımyldy úılestirý jónindegi ýákiletti organdardyń fýnksııalaryn, quqyqtary men mindetterin, memlekettik organdardyń quzyretin, zań jobasyna qatysty emes kommersııalyq uıymdar jáne basqa da máselelerdi talqylady.
Zań jobasyn engizý merzimderi: Ádilet mınıstrligine - 2023 jyl qańtar, úkimetke 2023 jyldyń aqpanynda, parlamentke 2023 jylǵy sáýirde jetedi.