Jıyn arqaýy – «Jasyl ekonomıka»

Forýmnyń taqyryby – «Jasyl ekonomıkaǵa» kóshý jaǵdaıyndaǵy Qa­zaq­stan Respýblıkasynyń ornyqty damýy: Eýropalyq Odaq elderiniń tá­ji­rıbesin qoldaný». Konferensııa ju­mysyna 9 eldiń sarapshylary qa­tys­ty.

Halyqaralyq ǵylymı-praktıkalyq konferensııa aıasynda 7 taqyryptyq seksııa ótti. Otandyq jáne sheteldik sarapshylar «jasyl ekonomıkaǵa» kóshý jaǵdaıynda ekonomıkanyń energııa syıymdylyǵyn tómendetý, zańnamanyń quqyqtyq normalaryn ekologııalandyrý, ekologııalyq týrızmdi damytý perspektıvalary, «jasyl» arhıtektýrany qalyptastyrý, «jasyl qarjy quraldarynyń» múmkindikteri, «jasyl ekonomıkaǵa» kóshý jaǵdaıynda kadrlar daıarlaý, qaldyqtardy óńdeý júıesi sekildi máseleler tóńiregindegi oı-pikirlerimen bólisti.

Bıyl L.N.Gýmılev atyndaǵy Eýra­zııa ult­­tyq ýnıversıtetinde Qazaq­stan­-Polsha «Jasyl ekonomıkany zert­teý ortalyǵy» ashylǵan bolatyn. Ýnı­versıtet ǵalymdary sheteldik árip­­­­­­testerimen birlesip asbestti qaıta óń­deý jáne kádege jaratý boıynsha ǵy­lymı jumystar júrgizgen. Zertteý qo­rytyndysy bo­ıynsha ulttyq ýnıversıtette Qazaqstanda quramynda asbest bar qaldyqtardy kádege jaratý máseleleri boıynsha monografııa tanys­tyryldy. Ázirlemelerdiń nátı­je­leri boıynsha patent alý josparlanýda.

– «Jasyl ekonomıka» máseleleri jahandyq sıpat alǵan jáne onyń damýy elimizde úlken mánge ıe. Inklıýzıvti «jasyl damý» tujyrymdamasy Qazaq­stan úshin erekshe mańyzdy. О́ıtkeni onda ornyqty ekonomıkalyq ósýge, jańar­­ty­latyn tabıǵı kapıtalǵa jáne da­myǵan adamı jáne áleýmettik kapıtalǵa basa nazar aýdarylady, – deıdi Eýrazııa ulttyq ýnıver­sı­te­ti­niń ǵylym, kommersııalandyrý jáne ınternasıonaldandyrý jónindegi prorektory Janna Qurmanǵalıeva.

«Jasyl ekonomıkany» damytýdyń mańyzdy aspektileriniń biri – «jasyl ekonomıkaǵa» kóshý jaǵdaıynda kadrlar daıarlaý. Ǵylym jáne joǵary bilim mınıstrligi apparatynyń basshysy Bolat Tókejanovtyń aıtýynsha, Qazaqstanda 30 joǵary oqý ornynyń bazasynda «Ekologııa», «Qorshaǵan orta», «Tirshilik qaýipsizdigi jáne qor­sha­ǵan ortany qorǵaý» sııaqty bilim be­rý baǵ­dar­la­malary boıynsha kadrlar daıar­­lanýda.

– Búginde joǵaryda atalǵan baǵyttar boıynsha 6 myńnan astam adam bilim alyp jatyr. 2022 jyly 2,5 myń ekologııa mamany daıarlandy. Ekologııa salasyndaǵy bilim berý baǵdarlamalarynyń tizili­min­de jańa ınnovasııalyq bilim berý baǵdarlamalary, onyń ishinde EUÝ engizildi. Jasyl ekonomıka bo­ıynsha birqatar pán qarastyrylǵan. Sondaı-aq Indýstrııa 5.0 talaptaryn eskere otyryp, otandyq joǵary oqý oryndary birtindep salalyq mamandandyrýdan alshaqtaı bastady jáne búgingi eńbek naryǵynyń trendi bolatyn dıs­plı­na­ra­lyq baǵdarlamalarǵa kóshe bastady, – deıdi B.Tókejanov.

Konferensııada sondaı-aq «jasyl ekonomıka» salasyndaǵy sheteldik sarapshylar «ASTWA» JShQ bas dırektory Stanıslav Lýnevskıı, Belo­stoktaǵy qarjy jáne menedj­ment ýnı­­versıtetiniń professory, EUÝ qur­­metti professory Edýard Hos­chı­lovıch, Belostok tehnıkalyq ýnı­versıtetiniń (Polsha) qarjy jáne menedjment joǵary mektebiniń rektory Mıkolaı Tomýlevıch, medısı­na joǵary mektebiniń kansleri (Pol­sha) Maýrıssıo Akkıarı, Fızıka kafe­drasynyń qaýymdastyrylǵan professory, Mılano Bıkokka ýnıversıteti (Ita­lııa) «Qorshaǵan ortany taldaý jáne aq­parattyq tehnologııalar» ǵy­ly­mı-zert­teý ınstıtýtynyń dırektory (Germanııa) Volfram Sharf jáne basqalar sóz sóı­ledi.

Konferensııa jumysyna Polsha, Italııa, Slovakııa, Túrkııa, Belarýs, Qyrǵyzstan, О́zbekstan, Grýzııa jáne Reseıden kelgen sheteldik sarapshylar, sondaı-aq Qazaqstan ǵalymdary, mı­nıs­trlikter men vedomstvolardyń, bıznes-qurylymdardyń qyzmetkerleri, ǵylymı qyzmetkerler, ǵalym-ekono­mıs­ter, ekologter, energetıkter, ekono­mı­kalyq joǵary oqý oryndarynyń doktoranttary men bıznes-mektepterdiń tyń­daýshylary qatysty.

Aıta ketý kerek, osy jyldyń 21 qa­zanynda el Prezıdenti «Jahandyq jasyl ósý ınstıtýtyn qurý týraly keli­simdi ratıfıkasııalaý týraly» Zańǵa qol qoıdy. Qazaqstannyń kelisimge qo­sylýy jahandyq jasyl ósý ınstıtýtyna kirgen eldermen jahandyq jasyl ósý salasyndaǵy yntymaqtastyqty ny­ǵaıtýǵa múmkindik beredi.