Búgin oblys ákimi Nurlybek Nálibaevtyń tóraǵalyǵymen aktıv otyrysy ótti. Basqosýǵa arnaıy Sybaılas jemqorlyqqa qarsy is-qımyl agenttigi tóraǵasynyń orynbasary Ulan Sarkýlov keldi.
Otyrysta oblys ákimi osy kezge deıin Sybaılas jemqorlyqqa qarsy is-qımyl agenttiginiń Qyzylorda oblysy boıynsha departamentiniń basshysy qyzmetin atqaryp, Sybaılas jemqorlyqqa qarsy is-qımyl agenttiginiń Arnaıy departamenti basshysynyń orynbasary laýazymyna taǵaıyndalǵan Rýstam Aqmyrzaevtyń nátıjeli eńbegin atap ótti.
Jıynda Ulan Sarkýlov Sybaılas jemqorlyqqa qarsy is-qımyl agenttiginiń Qyzylorda oblysy boıynsha jańa departament basshysy qyzmetine taǵaıyndalǵan Myrzaly Serikjan Qýanyshbekulyn tanystyrdy.
Aımaq basshysy jańa basshynyń qyzmetine sáttilik tilep, birlesip nátıjeli jumys atqaratynyna senim bildirdi.
Serikjan Myrzaly 1979 jyly Semeı oblysynda dúnıege kelgen. Ishki ister mınıstrliginiń Qaraǵandy joǵarǵy mektebin «Quqyqtaný» mamandyǵy boıynsha bitirgen. Eńbek jolyn 1999 jyly ishki ister organdarynda bastaǵan.
1999 - 2002 jyldary ishki ister organdarynda abyroıly eńbek etti.
2002 - 2012 jyldary prokýratýra organdarynda qyzmet atqarǵan.
Al, 2012 - 2016 jyldary qarjy polısııasy jáne sybaılas jemqorlyqqa qarsy qyzmet organdarynda basshylyq laýazymdarda joǵary deńgeıde jumys isteı bildi.
Serikjan Qýanyshbekuly 2016 – 2022 jyldary QR Bas Prokýrorynyń kómekshisi, basqarma bastyǵy, О́skemen qalasynyń prokýrory laýazymdarynda laıyqty deńgeıde qyzmet atqardy.
2022 jyldyń aqpan aıynan bastap osy kezge deıin Sybaılas jemqorlyqqa qarsy is-qımyl agenttiginiń Qostanaı oblysy boıynsha departamentiniń basshysy qyzmetinde boldy.