Elimizdegi jeke tulǵalardyń moınyndaǵy nesıeniń jalpy somasy 13 trln teńgeden asty, dep habarlaıdy Egemen.kz Qarjy naryǵyn retteý jáne damytý agenttigine silteme jasap.
Vedomstvo málimetinshe, qazaqstandyqtardyń kredıtteri 2022 jylǵy qyrkúıekte 2,5% ulǵaıyp, 13,1 trln teńgege jetken. Jeńildetilgen memlekettik ıpotekalyq baǵdarlamalardy jalǵastyrý nátıjesinde ıpotekalyq kredıtteýdiń 3,3% nemese 4,3 trln teńgege deıin ulǵaıǵan. Tutyný qaryzdarynyń 2,3% nemese 7,2 trln teńgege deıin ósken.
«1 qazandaǵy jaǵdaı boıynsha, bank sektory boıynsha ótelmegen qaryzdardyń deńgeıi 802 mlrd teńgege jetip, jalpy nesıe portfeliniń 3,6%-yn qurady. Bul kórsetkish basynda 3,3% nemese 669 mlrd teńge edi. Shaǵyn jáne orta bıznesti qosa alǵanda tulǵalardyń portfelinde tóleý merzimi 90 kúnnen artyq keshiktirilgen qaryzdardyń úlesi 3,5% nemese 349 mlrd teńge bolyp otyr. Jeke tulǵalardyń portfelinde bul kórsetkish 3,7% nemese 453 mlrd teńge. Jumys istemeıtin qaryzdardy provızııalarmen jabý 72,8%-dy quraıdy», delingen agenttik habarlamasynda.