Tehnopark pen TikTok tandemi

Ortalyq Azııadaǵy eń iri halyq­aralyq IT-startaptar tehnoparki sanalatyn Astana Hub pen TikTok qysqa beınerolıkter jasaýǵa arnalǵan je­tekshi platforma Digital Bridge 2022 sheńberinde yntymaqtastyq týraly memorandýmǵa qol qoıdy. Ile olar TikTok Startup akademııasy startaptary úshin eksklıýzıvti bilim berý baǵdarlamasyn iske qosty. Platforma men tehnoparkti ınnovasııaǵa jáne bızneske kómektesýge degen umtylys biriktirip otyr. Akademııanyń mindeti – startaptarǵa jańa ósý núktelerin tabýǵa, sarapshylardan biregeı bilim alýǵa jáne TikTok platformasynyń múmkindikterin ashýǵa kómektesý.

Baǵdarlamaǵa qatysýǵa Fintech, E-com, Games&Apps, Foodtech, Edtech, Entertainment, Health&Wellness jáne basqa da salalardan tehnologııalyq startaptardyń ókilderi shaqyryldy. О́tinimderdi qabyldaý qazan aıynyń sońynda ashyldy jáne irikteý nátı­jesinde 218 startap bilim berý kýrsyna qol jetkize alady. Vebınarlar 31 qazannan bastap ótip jatyr. Al emtı­handy sátti tapsyrǵan alǵashqy jıyr­ma qatysýshy 9 jáne 10 qarashada Asta­na­daǵy oflaın-vorkshoptarǵa barady.

– Bilim baǵdarlamasy – Digital Bridge 2022 forýmy aıasynda qol qo­ıylǵan Astana Hub pen TikTok ara­syn­daǵy yntymaqtastyq týraly memo­randýmnyń jemisi. Baǵdar­la­maǵa qatysýshylardyń arasynda Docu­mentolog, Mitwork, Aviata, EasyTap, iDos Games sııaqty komandalar, sondaı-aq jańa bastap jatqan jáne tájirıbeli birqatar otandyq startap bar. Bul oraıda naryqtyń TikTok platformasyndaǵy marketıng belsendiligin damytýǵa umtylyp jatqanyn kórýge bolady. Astana Hub pen TikTok seriktestigi qazaqstandyq IT-ekojúıeni tanytýǵa úles qosyp, elimizge IT-kompanııalardy tartýǵa jaǵdaı jasaıdy degen úmittemin, – deıdi Astana Hub bas dırektory Maǵjan Mádıev.

TikTok-tyń Shyǵys Eýropadaǵy bas dırektory Anastasııa Panına atap ótkendeı, TikTok StartUp akademııasy aıasynda kásipkerlerge jańa bilim alýǵa jáne TikTok pen Astana Hub úzdik sarapshylarynyń tálimgerligimen jańa bıikterge jetýge jol ashylmaq. Al úzdik qatysýshylarǵa arnalǵan granttar olarǵa ózderiniń ıdeıalaryn iske asyrýǵa múmkindik beredi.

Akademııanyń barlyq startap stý­dentteri birshama ıgilikke qol jetkize alady. Máselen, artyqshylyqtyń biri – TikTok for Business komandasynyń mentorshıpi. Onda naýqandy nólden bastap tolyq pysyqtaý kiredi. Biregeı bilim berý mazmuny, jetekshi beıne platformanyń saraptamasy jáne tıimdi naýqandardy qalaı bastaý kere­gin úırený múmkindigi usynylady. Sarap­shylar chat arqyly qoldaý kórse­tip otyrady.

Oqytý qorytyndysy boıynsha úz­dik jobalar TikTok-ta 10 myń dollarǵa deıin tanymal bolý granttaryn alady. Olar bul syılyǵyn TikTok-taǵy mar­ketıngtik naýqandarǵa jumsaı alady. Eske sala keteıik, TikTok degenimiz – qysqa beıneler jasaýǵa arnalǵan jetekshi qosymsha. Al Astana Hub – qazaq­standyq jáne sheteldik IT-kompa­nııalardyń damýyna jaǵdaı jasap otyrǵan halyqaralyq IT-startaptar tehnoparki.