Taýarlardy sıfrlyq tańbalaý men qadaǵalaýdyń biryńǵaı operatorynyń mamandary óńirlerde temeki ónimderin kóterme-bólshek satýdy júzege asyratyndarǵa sıfrlyq tańbalaý júıesinde jumys isteýdi úıretip jatyr.
Oqý semınarlary barysynda qatysýshylarǵa taýardy tańbalaý men qadaǵalaýdyń aqparattyq júıesi, onymen qalaı jumys isteý kerektigi, júıeniń qandaı artyqshylyqtary bar ekendigi túsindiriledi. Biryńǵaı operator ókilderi sıfrlyq tańbalaý júıesinde jumys isteýdi jáne bızneske arnalǵan Naqty Sauda Akt mobıldi qosymshasyn paıdalanýdy úıretedi. Onyń kómegimen kompıýterdi paıdalanbaı-aq qujattardy qabyldap, rastaýǵa bolady. Sonymen qatar «Avtomatty túrde júıeden shyǵarý» servısi tanystyrylýda. Ol arqyly kásipkerler «Temeki ónimderi» taýar tobynda tańbalaý kodtarynyń avtomatty túrde shyǵarylýymen qabyldaý-berý aktilerin rastaıdy.
EAEO elderinde, onyń ishinde Qazaqstanda da sıfrlyq tańbalaý DataMatrix eki ólshemdi kodynyń kómegimen júzege asyrylady. Kásipkerler taýarǵa kodty qoldanady, al tutynýshylar ony Naqty Onim qosymshasynyń kómegimen skanerleı alady.
Sıfrlyq tańbalaý ekojúıesinde úsh mobıldi qosymsha bar. Naqty Onim qosymshasy tutynýshyǵa tańbalanǵan ónim týraly barlyq aqparatty usynady. Al Naqty Sauda Kassa qosymshasy 2D skanerin satyp alý múmkindigi joq bólshek saýda úshin jasalǵan. Naqty Sauda Akt qosymshasy qabyldaý-tapsyrý aktilerin rastaýǵa jáne qabyldamaýǵa múmkindik beredi.
Sonymen qatar biryńǵaı operator Qazaqstannyń IT-qaýymdastyǵyn bızneske barynsha yńǵaıly jáne beıimdelý úderisin jasaý úshin sıfrlyq tańbalaý ekojúıesin birlesip damytýǵa shaqyrdy. Qazirgi ýaqytta IT kompanııalarmen kezdesýler ótkizilip, júıeni biriktirý josparlary ázirlenedi.
Búginde Biryńǵaı sıfrlyq tańbalaý operatory Petropavl, Kókshetaý, Qostanaı, Aqtaý, Atyraý, Aqtóbe, Oral, Qyzylorda, Túrkistan, Shymkent, Taraz, Qaraǵandy, Astana, О́skemen qalalarynda oqytý semınarlaryn ótkizdi. Semınarlar basqa qalalarda da jalǵasady.
Esterińizge sala keteıik, 2022 jyldyń 13 shildesinde sıfrlyq tańbalaý temeki ónimderin sáıkestendirý úshin buryn qoldanylǵan aksızdik markanyń fýnksııasyn tolyǵymen aýystyrdy. Endi temeki ónimderiniń sıfrlyq tańbalaý kody joq aınalymy úshin josyqsyz kásipkerlerden taýar tárkilenip, lısenzııadan aıyryp, olarǵa aıyppul salynady.
Osy jyldyń tamyz aıynda kontrabanda tańbalanbaǵan 4 mln-nan astam qorap temekini Qazaqstanǵa ákelýge tyrysqan. Atalǵan buzýshylyqtar boıynsha bıýdjetke tólenýge jatatyn kedendik tólemderdiń, salyqtardyń jáne aksızdiń aldyn ala somasy 1,2 mlrd teńgeni qurady.