Abaı atyndaǵy QazUPÝ rektorynyń kýbogi úshin stýdentter arasynda respýblıkalyq pikirsaıys ótti. «Jańa Qazaqstan: jańa kezeń, jańa baǵyt» respýblıkalyq týrnıriniń maqsaty – memlekettik jastar saıasatyn júzege asyrý, ıntellektýaldyq áleýetin arttyrý.
Týrnırdiń ashylý rásimi elimizdiń jas pikirsaıysshylaryn ýnıversıtet tarıhymen tanystyrýdan bastaldy. Budan soń jastar «Tanym Trevl» jobasy aıasynda qalanyń tanymal ári kıeli jerlerin tamashalady.
Ýnıversıtet rektory Darhan Bilálov qatysýshy komandalar aldynda stýdenttik is-sharalardyń mańyzdylyǵyna, jeke tulǵany qalyptastyrýdaǵy róline toqtaldy. Sonymen qatar pikirsaıys týrnırleri arqyly jastardyń tanymdyq, shyǵarmashylyq áleýetin jan-jaqty damytýǵa jáne zertteýshilik daǵdylaryn qalyptastyrýǵa kóńil bólý qajettigin, jańa Qazaqstannyń jarqyn bolashaǵyna baǵyttylǵan jastar bastamasy árqashan qoldaý tabatynyn jáne aldaǵy ýaqytta bul dástúrli sharaǵa aınalatynyn atap ótti.
Týrnırge elimizdiń 8 óńirinen 25 joǵary oqý orny stýdentteri qatysyp, 100-den asa pikirsaıysshynyń ishinen I oryndy «70%» fraksııasynan Ál-Farabı atyndaǵy QazUÝ stýdenti Jazıra Jónderbek jáne Nazarbaev ýnıversıtetinen Erkebulan Áripbaı ıelense, II oryndy Súleımen Demırel atyndaǵy ýnıversıteti «Han Táńiri» fraksııasynan Áset Orazǵalı pen Azamat Arynov enshiledi. III oryndy Ál-Farabı atyndaǵy QazUÝ-dyń «KN» fraksııasynan Kenbaı О́zbekálıev jáne Nurdáýlet Qulahmet jeńip aldy. Jeńimpazdar 11 atalym boıynsha anyqtalǵan jeńimpazdar ishinen alǵashqy úsh orynǵa arnaıy sertıfıkattar men aqshalaı syılyqtar tabys etildi.
ALMATY